याकूब 2:14 - सिरमौरी नौवाँ नियम

¹⁴ ओए रै मैरै भाईटु, जै कुणिए आदमी ऐजौ बौल़ौए कै हांव प्रभु यीशु पांदी बिशवाश कौरु, पौरौ सै ओकीआरी भले काम ना कौरौ, तौ इथलैई का फायदा? का ऐशणा बिशवाश कौलोंई तैसका बौचाव कौरे सौकौ? ना बिल्कुल नी।

Sirmouri

¹⁴ हे मेरे भाऐ बंईणों, जे कुँऐं आदमी बुलो, के हाँव बिश्वाषी असो, अरह् तेस्का सभाव तेसी बिश्वाषी जेष्णाँ ने हों? तअ कियो तेस्का बिश्वाष तेस्खे मुँक्त्ति देऐ देंदा?

याकूब 2:14 ပူးပေါင်းရင်းမြစ်များ

मत्ती 5:20

जिथुकै हांव तुऔं खै बुलू, कै तुऐं स्वर्ग कै राज्य दै तोबै प्रवेश कौरे पांदै जोबै तुऐं यहूदी शास्त्री औरौ फरीसी लोगौ कै तुलना दै जादा भरोशै कै लायक हौलै जू पौरमेशवर कै बातौ खै पूरी कौरौ।”

लूका 3:11

यूहन्नाए तिनु जोवाब दिया, “जैसी आदमी कैई दो झागे औसौ सै ऐक झागा तैसीकै दैय दौ, जैसकैंई ऐक बै ना आथी। जैसिया खाणौ औसौ सै बै ऐशैखैई कौरेया।”

लूका 6:49

पौरौ जू शोणेयो ना मानौ सै तैसी आदमी कै साए औसौ जैणै जोमीनो पांदी बिना नीयुं को घोर बाणौ। जोबै तैसी घोरो दी फालो लागी तौ सै तावल़ो उदु ढोल़ो औरौ ढोल़ेयो सै चकनाचूर हौए गौ।”

प्रेरितो कै काम 15:9

औरौ बिशवाश कै दवारा तिनकै मन शुध्द कौरेयौ आमु मुंजी औरौ तिनुमुंजी कुणजाई फोरक ना राखै रैई।

प्रेरितो कै काम 8:13

तोबै शमौने आपी बै फिलिप्‍पुस कै सौंदेश पांदी बिशवाश कौरा औरौ बपतिस्मा लोयो तैसकै साथी रौंदा लागा। औरौ निशान औरौ बौड़ै-बौड़ै शौकतै कै काम दैखैयो हैरान हौंव थिया।

प्रेरितो कै काम 8:21

इयौं सेवा मुंजी ना तैरा हिस्सा औसौ, ना भाग; जिथुकै तैरा मन पौरमेशवर कै सामणै सोही ना आथी।

रोमियों 2:25

हांव ताखै किछै बौलणौ चोऊं। तैरै खतना कौरवाणौ कै कीमत सिरफ तोबै ही औसौ जौल़ौ तू मूसा कै कानून कै मानै। पौरौ जै तू सैजौ ना कौरे जू मूसा कै कानून बौल़ौ, तौ तुऐं खतना कौरेयौंदे यहूदी लोग तिनु लोगौ कै जैशणै ही औसौ जू यहूदी लोग ना आथी औरौ जिनका खतना ना हौए रैई।

1 कुरिन्थियों 15:2

जै तुऐं तैसी सुसमाचार पांदी बिशवाश कौरणा जारी राखौ जिथका मोऐं तुऔं मुंजी प्रचार कौरा, तौ पौरमेशवर तुऔं बौचांदाए। नही तौ तोंवारा बिशवाश कौरणा बैकार हौंदा।

1 कुरिन्थियों 16:22

ओए रै अमारै प्रभु, आए जा!

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 4:8

जिथुकै शोरीर कै कामौ शै सिरफ तोंवारै शोरीर कै ही फायदा भैटदा, पौरौ भोक्‍ती सौब बातौ कारिए भले औसौ, जिथुकै ऐजौ ऐक आदमी खै इनाम दैणौ का वादा कौरौ जोबै सै इयौं धोरती पांदी जियुंदी रौंव औरौ मोरणो कै बाद बै।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 11:17

जैशैखै तुऐं जाणौए कै पौरमेशवरे अब्राहम खै बौल़ै राए थियु, “तैरै खास बैटै इसहाक लैई, तैरा वंश गिणा जांदा,” तोबै बै पौरमेशवरे तैसकै परीक्षा लौए कै सै ऐसी बैटै कै बलिदान कौरे सौकदा कै ना। पौरौ तैसी पौरमेशवर कै ऐसी वादै पांदी ऐतरा बिशवाश थिया कै सै आपणै बैटै कै बै बलिदान चौढ़ाणौ कारिए तैयार हौए गौआ।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

याकूब 1:16

ओए रै मैरै प्यारे भाईटु धौखा ना खांव।

याकूब 2:16

औरौ तुऔं मुंजी कुणिए तिनुखै बौल़ौ, “शान्तै शै जाव, तुऐं गरम रौव औरौ छोखेयो रौव!” पौरौ जू चीज़ौ शोरीरो कारिए जौरुरी औसौ, तौ तिनु शब्दो का, का फायदा औसौ? किछै ना आथी।

याकूब 2:18

जै कुणिए बौल़ौए, “मुखै बिशवाश औसौ, औरौ हांव भले काम कौरु।” पौरौ हांव बुलू तू आपणा बिशवाश मुखै भले काम कै बिना साबित कौर; औरौ हांव आपणा बिशवाश ताखै आपणै भले कामौ कै दवारा साबित कौरदा।

याकूब 2:26

जैशै शोरीर साँस बिना मौरेयौंदा औसौ, ऐशैखैई बिशवाश बै भले कामौ कै बिना बैकार औसौ।

2 पतरस 1:5

जिथुकै तुऐं पौरमेशवर कै स्‍वभाव दै शामिल औसौ औरौ तुऔं सिरफ मसीह पांदी बिशवाश ही नी कौरणा चैंई, पौरौ तुऔं हमैशा सैजौई कौरणौ कै कौचिश कौरणै चैंई जू ओकी कारिए आछौ औसौ। बल्कि तुऔं ना सिरफ सैजौई कौरणौ चैंई जू आछौ औसौ पौरौ तुऔं ऐशणै लोग हौणौ चैंई जू जाणौए कै कैशै सौमझदारी शै बर्ताव कौरणा चैंई।