याकूब 2:10 - सिरमौरी नौवाँ नियम

¹⁰ जिथुकै जू कुणिए सौबी कानून का पालन कौरौ, पौरौ ऐकी आज्ञा दा बै चौकी जांव तौ सै सौबी बातौ दा दोषी ठौहरौ।

Sirmouri

¹⁰ किन्देंखे के जू कुँऐं बादी अज्ञाँ-निय्म माँनला, अरह् ऐकि बातो दे किऐ से भूल-चूक करला, तअ से सोभी बातो दा दोषी-कसुरबार बंण्दा।

याकूब 2:10 ပူးပေါင်းရင်းမြစ်များ

गलातियौं 3:10

पौरौ मूसा कै कानून दौ लैखै राए कै जू कुणिए बै सौबी नियमौ खै ना मानौ सैजै पौरमेशवर कै शराप कै खिलाफ औसौ। इथकारिए तिनु सौबी लोगौ पांदी शराप आए गौआ जू इनु कानून का पालन कौरेयौ पौरमेशवर कै सामणै धरमी बौणणौ कै कौचिश कौरौ। जिथुकै कुणिए बै तिनु कानूनो कै पूरी तरह शै हर सौमय पालन ना कौरे सौकौ।

गलातियौं 5:3

मोऐं तुऔं औटेयौ चैतावणी दैय लौए कै जू आदमी इयौं उमीद लैई खतना कौरांव कै पौरमेशवर कै नज़र दै धरमी बौणै सौकौ, तौ तैसी मूसा कै कानून दी दैययौंदी हरेक आज्ञा कै मानणी पौड़दी।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।