याकूब 1:6 - सिरमौरी नौवाँ नियम

⁶ पौरौ जोबै तुऐं पौरमेशवर शै मांगोए, तौ तुऔं बिशवाश कौरणा चैंई, शक ना कौरणा चैंई, जिथुकै जू शक कौरौ सै बिशवाश ना कौरौ, सै समुन्द्र कै फालो कै जैशणा बोदलदा रौंव जू हावा लैई बौं औरौ छिड़ौए।

Sirmouri

⁶ सिर्फ बिश्वाष आरी माँगों। दाँणिक भे षक ने करा चेंई। परह् जिनके षक हो, से संमुन्द्रो की फालो जेष्णाँ हों, जू ढोंढ-बागूरिऐ खिदर-बदर हऐयों जिदो-किदो ज़ाँव।

याकूब 1:6 ပူးပေါင်းရင်းမြစ်များ

मत्ती 14:28

पतरसे तैसीखै जोवाब दिया, “ओए रै प्रभु, जै तू ही औसौ, तौ मुखै आपणै धोरे पाणी पांदी हांडणौ कै आज्ञा दै।”

प्रेरितो कै काम 10:20

ऊबा बिज़यो उदा जा, बैशक सैजा आदमी बैगाना यहूदी औसौ, इथकारिए निशोंक तिनुआरी हौए जा, जिथुकै मोऐं तिनु भैजै राए।”

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

इब्रानियों 10:23

ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

इब्रानियों 11:6

औरौ सिरफ पौरमेशवर पांदी बिशवाश कौरेयौ ही आमै तैसी खुश कौरे सौकु जिथुकै पौरमेशवर कै धोरे आणौवाल़ै खै बिशवाश कौरणा चैंई, कै सै औसौए औरौ सै तिनु लोगौ खै इनाम दैंदा जू सौचाई लैई तैसीकै जूऔंए।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

याकूब 1:7

ऐशणा आदमी ऐजौ नै सौमझौ कै तैसी प्रभु शै किछै भैटदौए,

याकूब 5:15

औरौ बिशवाश कै प्रार्थना लैई बीमार बौचै जांदा औरौ प्रभु तैसीखै औटेयौ खै ठीक कौरदा औरौ जै तैणै पाप बै कौरे रालै तौ पौरमेशवर तैसीखै माफ कौरदा।

2 पतरस 2:17

ऐजै झूठै शिक्षक तिनु पाणी कै झौरनै कै जैशणै बैकार औसौ, जू शुकै गौवै। सै तिनु बादल़ौ कै जैशणै बैकार औसौ, जिनु तैज हावा उड़ाएयो लौए जांव, इदै आगै कै बौरखा हौए सौकौ, पौरमेशवरे तिनु कारिए ऐक ऐशणा ठाँव तैयार कौरे राए जू पूरी तरह शै इनारौ औसौ।