याकूब 1:27 - सिरमौरी नौवाँ नियम

²⁷ अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।

Sirmouri

²⁷ परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

याकूब 1:27 ပူးပေါင်းရင်းမြစ်များ

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 5:8

“धन्‍य औसौ सैजै, जिनकै मन शुध्द औसौ, जिथुखै सै पौरमेशवर खै दैखदै।”

लूका 1:6

औरौ सै दुईनै पौरमेशवर कै सामणै धरमी थिए, औरौ प्रभु की सौबी आज्ञाओं औरौ नियमौ पांदी निर्दोष चालणौ वाल़ै थिए।

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 2:13

जिथुकै पौरमेशवर कै नोज़रो दै धरमी सैजै ना आथी जू मूसा कै कानून कै शुणणौवाल़ै औसौ पौरौ धरमी सैजै औसौ, जू मूसा कै कानून का पालन कौरणौवाल़ै औसौ।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

गलातियौं 3:11

पौरौ ऐजै बात साची औसौ, कै कोसी खै बै मूसा कै कानून का पालन कौरेयौ धरमी साबित ना कौरे सौकौ। जिथुकै पवित्र शास्त्र दौ लैखै राव, धरमी आदमी बिशवाश लैई जियुंदा रौंदा।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 5:4

औरौ जै कोसी विधवा कै नानड़िया या नाती पोते हौंव। तौ तिनु आपणै खुद कै परिवार कारिए सैजै काम कौरणै चैंई जू मसीही बिशवाश तिनु कैईंदै उमीद कौरौए कै सै कौरौ। औरौ आपणै माँ बापू या दादा दादी कै दैखभाल कौरेयौ तिनु कारिए किछै कौरौ। जिथुकै पौरमेशवर कै ऐजौ ही भांव।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

याकूब 3:9

जीभ शै ही आमै प्रभु औरौ पिता पौरमेशवर कै बौड़ाए कौरो, औरौ इथलैई आदमी कै जू पौरमेशवर कै रुप दै बाणै राए शराप दियु।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

2 पतरस 1:4

इनु सौबी ठुँ लैई पौरमेशवरे आमु बैजाए महान औरौ अनौखै वरदान दैय राए जिथका तैणै वादा कौरे राए थिया। ताकि इनु वरदानो का इस्तैमाल कौरेयौ आमु दुनिया कै तिनु बुरी इछाओं शै बौचै सौकु जू लोगौ खै नाश कौरौ, औरौ पौरमेशवर कै स्‍वभाव दै ऐक हिस्सा हौए सौकु।

2 पतरस 2:20

लोग दुनिया कै दुष्टता शै बौचै गौवै जोबै तिनुऐ यीशु मसीह कै आपणै प्रभु औरौ मोक्तिकर्ता खै रुप दा जाणै पाए। पौरौ ऐबै काम कौरणौ दै ब्यस्त हौए गौवै औरौ सैजै बुरै काम ऐबै तिनु काबू दै कौरौ, इथकारिए ऐबै मसीह कै ना अपनाणौ कै बाद तिनकै ऐबै कै हालत तिनकै बिशवाशी बौणणौ शै आगै कै हालत शै बै बुरै हौए गौए।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

1 यूहन्ना 5:18

आमै जाणुए कै जू कुणिए पौरमेशवर कै संतान औसौ सै लगातार पाप ना कौरौ; पौरौ जू पौरमेशवर कै संतान औसौ, तैसीखै सै बौचाएयौ राखौ: औरौ तैसीखै दुष्ट शैतान छोए बै ना सौकौ।