याकूब 1:26 - सिरमौरी नौवाँ नियम

²⁶ जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

Sirmouri

²⁶ जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

याकूब 1:26 ပူးပေါင်းရင်းမြစ်များ

मत्ती 15:9

इनकै आराधना कौरणै मुं कारिए मायनै ना राखौ, जिथुकै ऐजै लोग आदमी कै बाणैयौंदी आज्ञा खै मैरी आज्ञा बोताएयो शिखांव।’”

मरकुस 7:7

इनका आदर कौरणा मुखै मायनै ना राखौ, जिथु ऐजै लोग आदमी कै बाणैयौंदी आज्ञा खै मैरी आज्ञा बोतायों शिखांव।’

लूका 8:18

इथकारिए तुऐं चौकश रौया कै तुऐं कैशैखै शुणौ, जिथुकै जैसकैंई किछै सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”

1 कुरिन्थियों 15:15

जै मौरेयौंदे कै जियुंदी ना कौरौ, तौ आमुए ऐजौ बौलेयौ पौरमेशवर कै बारै मुंजी तुऔं कैंई झूठु बौल़ै राए कै तैणै मसीह खै जियुंदी कौरे राए थिया, जोबै कै सौथीखै तैणै ऐशै ना कौरी।

1 कुरिन्थियों 15:2

जै तुऐं तैसी सुसमाचार पांदी बिशवाश कौरणा जारी राखौ जिथका मोऐं तुऔं मुंजी प्रचार कौरा, तौ पौरमेशवर तुऔं बौचांदाए। नही तौ तोंवारा बिशवाश कौरणा बैकार हौंदा।

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

गलातियौं 2:6

तोबै यरूशलेम शहर कै कलीसिया कै तिनु अगुवे मैरै शिक्षा दै किछै बै मिलावट ना कौरी, मुखै इयौं बातौ लैई किछै फर्क ना पौड़ौ कै सैजै अगुवे किशैक रुतबे वाल़ै मानै जांव थिए, जिथुकै पौरमेशवर बायरौ का रुप दैखैयो न्याय ना कौरौ।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

गलातियौं 3:4

बिशवाशी बौणणौ कै बाद तुऐं बैजाए दुख उठाए। हांव सौथीखै आशा कौरु कै ऐजै दुख बैकार ना आथी।

गलातियौं 6:3

जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 5:4

औरौ ना अश्लील बातौ, ना मूर्ख बातौ औरौ ना गौंदै ठाटै हौंव, जिथुकै ऐजी बातो तुऔं कारिए ठीक ना आथी पौरौ तुऔं पौरमेशवर कै धन्यवाद ही दैणा चैंई।

कुलुस्सियों 4:6

तुंआरी बातौ सौदा नम्रता कै साथै औरौ मन कै भाणो वाल़ी हौंव औरौ जै तुऐं ऐशै कौरलै तौ तुऐं शिखै पांदै कै लोगौ कै कैशै बुध्दिमानी कै साथै जोवाब दैणा, जोबै कुणिए तुऔं कैईंदु सुसमाचार कै बारै मुंजी पूछौ।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

याकूब 1:22

सिरफ तैसकै वचन कै शोणेयो आपी खै धौखा ना दैव; तुऔं सैजौई कौरणौ चैंई जू सै बौल़ौए।

याकूब 2:20

पौरौ ओए रै निकम्मा आदमी का तू ऐजौ बै जाणै ना, कै भले कामौ कै बिना बिशवाश बैकार औसौ?

1 पतरस 3:10

जैशैकै पवित्र शास्त्र बौल़ौए, “जै कुणिए आदमी आपणै जीवन कै खुशी लोणी चांव औरौ आछै दूस चांव तौ तैसी चौकश रौणौ चैंई कै सै बुरी बातौ ना बौल़ौ। औरौ तैसी ऐशणी बातौ बंद कौरे दैणी चैंई जू साची ना आथी।