याकूब 1:22 - सिरमौरी नौवाँ नियम

²² सिरफ तैसकै वचन कै शोणेयो आपी खै धौखा ना दैव; तुऔं सैजौई कौरणौ चैंई जू सै बौल़ौए।

Sirmouri

²² परह् बचनों गाशी चाल्णों वाल़ें बंणों, सिर्फ शुण्णों वाल़े ही ने बणें जू आप्खे धोखा दियों।

याकूब 1:22 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

लूका 11:28

तैणै बौल़ौ, “हां पौरौ धन्‍य औसौ सैजै जू पौरमेशवर का वचन शुणौ औरौ मानौए।”

यूहन्ना 13:17

तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्‍य औसौ।

रोमियों 2:13

जिथुकै पौरमेशवर कै नोज़रो दै धरमी सैजै ना आथी जू मूसा कै कानून कै शुणणौवाल़ै औसौ पौरौ धरमी सैजै औसौ, जू मूसा कै कानून का पालन कौरणौवाल़ै औसौ।

1 कुरिन्थियों 15:33

जू लोग ऐशणी बातौ कौरौ तिनकै दवारा मूर्ख ना बौणौ बुरी संगति आछै चरित्र खै बिगाड़ै दैंव।

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

गलातियौं 6:3

जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

गलातियौं 6:7

आपी खै धौखा नै दैव, जिथुकै कुणिए बै कौलोंई बै पौरमेशवर खै मूर्ख ना बाणै सौकौ, जिथुकै आदमी जू बौए दैंव, सैजौ ही काटदा।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

कुलुस्सियों 3:17

जू किछै तुऐं बौल़ौए या कौरौए सैजौ सौबै प्रभु यीशु मसीह कै नांव लैई कौरेया कौरौ, औरौ तैसकै दवारा पौरमेशवर पिता का धन्यवाद कौरौ।

2 तीमुथियुस 3:13

पौरौ बुरै औरौ धोकैबाज लोग, जादा बुरै काम कौरदै। सै लोगौ कै धौखा दैलै औरौ आपी बै लोगौ शै धौखा खालै।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

याकूब 4:11

ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

याकूब 4:17

इथकारिए जू भोलाए कौरणा जाणौए औरौ ना कौरौ, तैसी कारिए ऐजा पाप औसौ।

2 पतरस 2:13

जिथुकै सै आपणै कपटै तरीकै कै खुशी लोंव, सै दूसौ दुफारियौ बुरै सुख-चैन शै खाए पियौ खुशी मौनांव, सै तिनु दागौ औरौ धाबै साए औसौ जू हर बार तोंवारै खातिर बुरी तरह शै मुँह छिपाणो कै बौजैह बौणौ जोबै सै तोंवारै साथै खाणौ खांव।

1 यूहन्ना 1:8

जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।

1 यूहन्ना 2:3

जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 3:7

ओए रै नानड़िया, कोसी खै धौखा दै नी आया; जू कुणिए आदमी धार्मिकता कै काम कौरौए, सैजाई मसीह कै जैशणा धरमी औसौ।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”