याकूब 1:21 - सिरमौरी नौवाँ नियम

²¹ इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

Sirmouri

²¹ बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

याकूब 1:21 ပူးပေါင်းရင်းမြစ်များ

मत्ती 5:5

“धन्‍य औसौ सैजै जू नम्र औसौ, जिथुखै सै धोरती कै औधिकारी हौंदै।”

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

प्रेरितो कै काम 13:26

“ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 15:2

जै तुऐं तैसी सुसमाचार पांदी बिशवाश कौरणा जारी राखौ जिथका मोऐं तुऔं मुंजी प्रचार कौरा, तौ पौरमेशवर तुऔं बौचांदाए। नही तौ तोंवारा बिशवाश कौरणा बैकार हौंदा।

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 5:4

औरौ ना अश्लील बातौ, ना मूर्ख बातौ औरौ ना गौंदै ठाटै हौंव, जिथुकै ऐजी बातो तुऔं कारिए ठीक ना आथी पौरौ तुऔं पौरमेशवर कै धन्यवाद ही दैणा चैंई।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।

याकूब 4:8

पौरमेशवर कै नेड़िक आव, तौ सै बै तोंवारै नेड़िक आन्‍दा। ओए रै पापियों आपणै जीवन शै पाप कै दूर कौरौ, औरौ ओए रै दुगल़ै लोगौ आपणै मन खै पवित्र कौरौ।

याकूब 5:20

तौ तुऔं ऐजौ पौता हौणौ चैंई कै जू कुणिए आदमी सौचाई शै भोटकैयोंदै पापी कै फैर लांव, तौ सै तैसी पापी कै जिन्दगी कै मौत शै बौचांदा औरौ पौरमेशवर तैसकै सौबै पापौ कै माफ कौरे दैंदा।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 1:9

जिथुकै पौरमेशवर तोंवारै आत्मा कै पाप कै सौजा शै बौचांदा औरौ ऐजा यीशु मसीह दा तोंवारै बिशवाश का मकसद औसौ।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।