याकूब 1:19 - सिरमौरी नौवाँ नियम

¹⁹ ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

Sirmouri

¹⁹ हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 1:19 ပူးပေါင်းရင်းမြစ်များ

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मरकुस 12:37

“राजा दाऊद तौ आपी ही तैसीखै प्रभु बौल़ौ, तोबै सै तैसका बैटा कुकै दा हौआ?” औरौ भीड़ कै लोग तैसीखै खुशी शै शुणौ थिए।

मरकुस 2:2

तोबै ऐतरै लोग कौठै होवे कै दवारो कैई बै ठाँव ना थी; औरौ तैणै तिनुमुंजी पौरमेशवर का वचन शुणौऊवा।

लूका 15:1

सौबै मामला लोणो वाल़ै औरौ पापी लोग यीशु की बातौ शुणणौ कारिए तैसकै धोरे ओऊवे।

लूका 19:48

पौरौ तिनुकै कुणजै बाट नी भैटदै लागै रैई थी; कै का कौरु, जिथुकै सौबै लोग यीशु खै दिल शै शुणौ थिए।

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

प्रेरितो कै काम 13:48

ऐजौ शोणेयो बैगानै यहूदी खुश हुवे, औरौ पौरमेशवर कै वचन कै बौड़ाए कौरदै लागै, औरौ जैतरै सौदा कै जिन्दगी कारिए ठैहराए राए, तिनुऐ बिशवाश कौरा।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

इफिसियों 4:26

जै तुऐं गुस्से हौए जांव, तौ ध्यान राखैया कै तुऐं पाप ना कौरौ। बैल़खै हौणौ दै आगै तुऐं गुस्सा कौरणा बंद कौरे दौ।

इफिसियों 4:31

सौबै भान्त खै कड़वाहट औरौ प्रकोप औरौ गुस्सा औरौ कलह, औरौ सौबै बैरभाव औरौ नेंदैया तक आपणै जीवन शै दूर कौरौ।

कुलुस्सियों 3:15

औरौ सैजै शान्तै जू मसीह दैंव तियौं आपणै दिल दै राज कौरणौ दैव जिथुकै तुऐं सौबै ऐकैई शोरीर कै अंग औसौ। इथकारिए तुऔं ऐकी दुजैआरी शान्तै शै रौणौ कारिए बौएदै राए। औरौ सौदा पौरमेशवर का धन्यवाद कौरदै रौव।

कुलुस्सियों 3:8

पौरौ ऐबै तुऔं बै इनु सौबै कामौ कै यानी गुस्सा, रुशणौ, बैरभाव, नेंदैया औरौ गाल़ी दैणी बन्द कौरे दैणी चैंई।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

याकूब 1:16

ओए रै मैरै प्यारे भाईटु धौखा ना खांव।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

याकूब 2:1

ओए रै मैरै भाईटु, तुऐं अमारै महिमा दैणै वाल़ा प्रभु यीशु मसीह कै चैलै औसौ इथकारिए तुऔं मुंजी भैदभाव कै भावना नी हौंव।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

याकूब 3:10

ऐकी मुँह लैई धन्यवाद औरौ शराप दुईनै निकल़ौ। ओए रै मैरै बिशवाशी भाईटु, ऐशै नै हौणौ चैंई।

याकूब 4:11

ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

याकूब 5:12

पौरौ ओए रै मैरै भाईटु, सौबी दी बौड़ी बात ऐजी औसौ, कै शौं नै खाया ना स्वर्ग कि, ना धोरती कि, ना कोसी ओकी चीज़ौ कि, पौरौ तुंआरी बात हां कै हां औरौ ना कै ना हौंव, ताकि तुऐं पौरमेशवर कै दवारा दोषी ना ठोहराए जांव।

याकूब 5:19

ओए रै मैरै भाईटु, जै तुऔं मुंजी कुणिए बिशवाशी पौरमेशवर कै साची शिक्षाओं शै भोटके जांव, औरौ जै कुणिए तैसकै पापौ कै छौड़णौ दै मौदद कौरौ

1 यूहन्ना 2:21

मोऐं तुऔं इथकारिए ना लैखै रैई कै तुऐं सौचाई कै ना जाणौ, पौरौ इथकारिए कै तुऐं साची शिक्षा कै जाणौए, औरौ ऐजौ बै जाणौए कै जू किछै झूठ औसौ, सैजौ सौचाई कै ढौबौशौ ना आथी।