याकूब 1:17 - सिरमौरी नौवाँ नियम

¹⁷ हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

Sirmouri

¹⁷ बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

याकूब 1:17 ပူးပေါင်းရင်းမြစ်များ

मत्ती 7:11

जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

यूहन्ना 1:9

सैजौ जू साचौ पेयाशो औसौ जू हरेक आदमी खै पेयाशो दैंव, सै दुनिया दो आणौवाल़ौ थियु।

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

यूहन्ना 8:12

तोबै यीशुए हौजौ लोगौ खै बौल़ौ, “दुनिया को पेयाशो हांव औसौ; जू कुणिए मैरै पाछैदा हांडला, सै इनारै दा ना हांडदा, पौरौ तिथु पेयाशै कै पाला जू सौदा कै जिन्दगी दैंव।”

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

इब्रानियों 13:8

यीशु मसीह दोतियो औरौ ऐलो औरौ हमैशा ऐक जैशणा औसौ। सै कौलोंई ना बौदलौ।

याकूब 1:5

पौरौ जै तुऔं मुंजी दै कोसी कै बुध्‍दि की कमी हौंव, तौ पौरमेशवर कैईंदी मांगो, जू आमु दी बिना गौलती जौए सौबी कै बौड़ी दया शै दैंव; औरौ पौरमेशवर तुऔं कै बै दैला।

याकूब 3:15

ऐजा ज्ञान सैजा ना आथी जू पौरमेशवर शै आंव पौरौ दुनिया कै तरफ शै औरौ शारीरिक, औरौ शैतानी औसौ।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

1 यूहन्ना 1:5

जू सुसमाचार आमुए यीशु कैईंदा शुणा औरौ ऐबै तुऔं खै बै शुणौऊं, सै ऐजा औसौ; कै पौरमेशवर पेयाशै कै जैशणा आछा औसौ औरौ तैसिदो ऐशणौ किछै बै ना आथी जू बुरु औसौ।

1 यूहन्ना 4:10

साचा प्यार ऐजा ना आथी कै आमै पौरमेशवरे आरी प्यार कौरा, पौरौ तैसका प्यार औसौ जू प्यार सै आमुआरी कौरौ; औरौ पौरमेशवरे अमारै पापौ कै बलिदान कारिए आपणै बैटै खै भैजा ताकि तैसकै दवारा अमारै पाप माफ हौंव।

प्रकाशितवाक्य 21:23

तिथै ना तौ सुरज औरौ ना ही चंद्रमा कै चौमकौणौ कै जौरुरत औसौ, जिथुकै सैजौ शहर पौरमेशवर औरौ मेम्ने कै चौमक लैई रोशन औसौ।

प्रकाशितवाक्य 22:5

तोबै कौलोंई रात ना हौन्दै, औरौ शहर कै लोगौ कै दिवे या सुरज कै पेयाशै कै जौरुरत ना हौंदै, जिथुकै पौरमेशवर आपी तिनु पांदी पेयाशो दैन्दा। औरौ जू लोग तिथै हौन्दै सै हमैशा कारिए राज कौरदै।