याकूब 1:10 - सिरमौरी नौवाँ नियम

¹⁰ औरौ सैजै बिशवाशी जू सैठ औसौ तिनु खुश हौणौ चैंई कै पौरमेशवरे तिनु नम्र कौरे राए; जिथुकै सै औरौ तिनकी अमीरी घासो कै फूलो कै जैशणी मिटै जांदै।

Sirmouri

¹⁰ परह् सैठ-सऊँकार आप्णी नींच दषा के तारीफ करह्, किन्देंखे के से घास के फूलो जेष्णें असो, जू ऊल़शाऐयों-झड़दे ज़ाँव।

याकूब 1:10 ပူးပေါင်းရင်းမြစ်များ

मत्ती 5:3

“धन्‍य औसौ सैजै जू महसूस कौरौ कै तिनुकै पौरमेशवर कै जौरुरत औसौ, जिथुखै स्वर्ग का राज्य तिनका ही औसौ।”

मत्ती 6:30

इथकारिए जोबै पौरमेशवर मैदानो कै घास खै, जू ऐलो औसौ, औरौ दोतियो आगी मुंजी पाए जांदै, ऐशणी शोभा दैंव, तौ ओए रै कम बिशवाश कौरणौवाल़ै लोगौ पौरमेशवर जौरुर तोंवारै दैखभाल कौरदा।

1 कुरिन्थियों 7:31

औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

याकूब 4:14

पौरौ तुऐं ऐजौ ना जाणौ कै दोतियो का हौन्दौ, शुणौ, तोंवारा जीवन औसौ ही का? तुऐं तौ धुंध कै जैशणै औसौ, जू किछै देर तौड़ी दैखियौं, तेथियोड़े घायब हौए जांव।

1 पतरस 1:24

पवित्र शास्त्र ऐजौ बौल़ौ कै, “सौबै लोग घास कै जैशणै औसौ औरौ तिनकै सुन्दरता जोंगली फूलो कै जैशणै औसौ। घास शुकै जांव औरौ फोल़ जोमीनो पांदी झोड़ै जांव।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।