इब्रानियों 9:9 - सिरमौरी नौवाँ नियम

⁹ ऐजी सौबै चीज़ौ सिरफ इनु बातौ का उदारण थी जू कै ऐबै मसीह कै बौजैह शै पूरी हौए रैई। जिथुकै सैजी सौबै भैंट औरौ बलिदान जू तिनु लोगौ कै दवारा पौरमेशवर खै चौढ़ाए जांव थिए जू तैसकै आराधना कौरौ थिए, सैजै लोगौ कै मनो औरौ दिलो खै शुध्द कौरणौ कै लायक ना थी।

Sirmouri

⁹ ऐजा बाईला ताँम्बू तअ ऐसी ज़ूगौ खे ऐक च़ींह्न असो, जिन्दी भेंट अरह् बंल़ीदाँण चड़ाऐ ज़ाँव थिऐ; जिन्दें लंई आरार्धना कर्णो वाल़े के बीचार सीद्ध ने हंऐ सको थिऐ।

इब्रानियों 9:9 ပူးပေါင်းရင်းမြစ်များ

रोमियों 5:14

तौ बै आदम शै लैयौ मूसा तौड़ी सौबी लोगै पाप कौरा औरौ सै सौबै मौरे गौवै, जिनुवै तैसी आदम, जू किछै तरीकै दा तैसी आदमी कै जैशणा थिया औरौ किछै तरीकै दा तैसदा जौई थिया जू आणौवाल़ा थिया।

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

इब्रानियों 10:11

हरेक यहूदी पुरोहित हर रौज वेदी कै सामणै खौड़ा रौंव औरौ लोगौ कै पापौ खै दूर कौरणौ कारिए नियमौ खै पूरा कौरौ। सै लगातार ऐक जैशणै बलिदानों खै चौढ़ादा रौंव जू कौलोंई बै तैसी आदमी कै पापौ खै दूर ना कौरे सौकौ, जू तैणै कौरे राए।

इब्रानियों 11:19

जिथुकै तैणै मानै पौऊ, कै पौरमेशवर शौकतीशाली औसौ, कै इसहाक खै मौरेयौंदे मुंजीदा जियुंदी कौरदा औरौ ऐक तरह शै अब्राहमै बै इसहाक खै मौरेयौंदे मुंजीदा जियुंदी पोऊवा।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 7:11

लोगौ खै तिनु पुरोहितो कै योजना कै आधार पांदी मूसा कै कानून दैय राए जू लेवी गोत्र कै हारून दै आए रौवै थिए, पौरौ लोग तियौं योजना कै दवारा सिद्ध ना बोणै सौकौ। इथकारिए ऐक ओका पुरोहित कै आणौ कै जौरुरत थी, ऐक ऐशणा पुरोहित जू हारून कै जैशणा ना आथी पौरौ मलिकिसिदक कै जैशणा थिया।

इब्रानियों 8:4

औरौ जै मसीह दुनिया पांदी हौंदा तौ कौलोंई बै पुरोहित ना हौंदा, जिथुकै मूसा कै कानून कै हिसाब शै भैंट चौढ़ाणौ कारिए औगौड़ियौ दा ही पुरोहित मौजूद औसौ।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।