इब्रानियों 9:27 - सिरमौरी नौवाँ नियम

²⁷ हरेक आदमी कै ऐक बैई मौरणौ तय औसौ। मौत कै बाद, पौरमेशवर हरेक आदमी का न्याय कौरदा।

Sirmouri

²⁷ अरह् जेष्णों आदमी खे ऐकी बई मर्णो, अरह् तिन्दे पाछी नियाँव का हणों जरूरी पाक्को असो।

इब्रानियों 9:27 ပူးပေါင်းရင်းမြစ်များ

लूका 20:32

आखरी दी सैजी बैटमाणिश बै मौरे गौए।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

रोमियों 2:5

पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।

रोमियों 5:12

इथकारिए जैशै ऐकी आदमी आदम कै दवारा, पाप इयौं दुनिया दा ओऊवा, औरौ आदम ही आगला आदमी औसौ जैसी पौरमेशवरे बाणै राए थिया औरौ आदमै पाप कौरा, औरौ सै मौरे गौआ, औरौ सौबी लोगौ पांदी मौत आए, जिथुकै सौबै लोग आदम कै संतान औसौ, इथकारिए जोबै आदमै पाप कौरा तौ सौबीए पाप कौरा औरौ पापवाल़ा स्‍वभाव फौयल़दा गौआ।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 5:10

जिथुकै जौरुरी औसौ, कै आमु सौबी का मसीह कै दवारा न्याय हौंदा, कै हरेक आदमी आपणै-आपणै भले बुरै कामौ का जू तैणै शोरीरो कै दवारा कौरे राए, तिथका बौदला पांव।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

इब्रानियों 10:27

पौरौ तिनुखै डौर कै साथै पौरमेशवर कै न्याय का औरौ बैजाए भोबकैयौंदी आग कै उमीद कौरणै पौड़दै जू तिनु नाश कौरे दैंदै जिथुकै सै पौरमेशवर का विरोध कौरौ।

इब्रानियों 6:2

औरौ आमु बपतिस्मा कै बारै मुंजी, औरौ कोसी पांदी हाथ राखैयौ आशीष दैणौ कै बारै मुंजी, औरौ मौरेयौंदे मुंजीदै जियुंदी हौणौ कै बारै मुंजी, औरौ आखरी न्यांव की शिक्षा कै नीयुं औटेयौ पाणौ कै जौरुरत ना आथी।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

यहूदा 1:15

सौबी लोगौ कै न्याय कौरणौ कारिए, औरौ तिनु सौबै बुरै कामौ कारिए जू लोगै कोरी राए औरौ तिनु पांदी दोष लाणौ कारिए जू तिनुऐ पौरमेशवर कै खिलाफ कौरे राए औरौ तिनु सौबी गौंदी बातौ कारिए जू तिनुऐ तैसकै खिलाफ बौल़ै रैई।”

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।