इब्रानियों 8:4 - सिरमौरी नौवाँ नियम

⁴ औरौ जै मसीह दुनिया पांदी हौंदा तौ कौलोंई बै पुरोहित ना हौंदा, जिथुकै मूसा कै कानून कै हिसाब शै भैंट चौढ़ाणौ कारिए औगौड़ियौ दा ही पुरोहित मौजूद औसौ।

Sirmouri

⁴ ईन्देंखे जे मसीया यीशू धर्ती गाशी होंदें, तअ से कद्दी भे याजक ने हऐ सक्दे थिऐ; किन्देंखे के ईथै, ऋषी-मूसा खे भेटे गुऐ अज्ञाँ-निय्म के मुँताबिक भेंट चड़ाणों वाल़े बैजाऐ याजकों असो,

इब्रानियों 8:4 ပူးပေါင်းရင်းမြစ်များ

इब्रानियों 10:11

हरेक यहूदी पुरोहित हर रौज वेदी कै सामणै खौड़ा रौंव औरौ लोगौ कै पापौ खै दूर कौरणौ कारिए नियमौ खै पूरा कौरौ। सै लगातार ऐक जैशणै बलिदानों खै चौढ़ादा रौंव जू कौलोंई बै तैसी आदमी कै पापौ खै दूर ना कौरे सौकौ, जू तैणै कौरे राए।

इब्रानियों 11:4

बिशवाश लैई आदम कै बैटै हाबिलै आपणै बौड़ै भाई कैन दा बड़िया बलिदान पौरमेशवर कारिए चौढ़ौऊवा; औरौ बलिदान कै दवारा गवाही दैय कै हाबिल ऐक धरमी आदमी थिया। जिथुकै पौरमेशवर तैसकै बलिदान शै खुशी थिया; औरौ हाबिलै आपणी मौत कै बाद बै, आमु शिखाए लो कै बिशवाश कैशणा हौणा चैंई।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 7:27

औरौ सैजै महायहूदी पुरोहित जू हारून कै पीढ़ी कै थिए तिनु साए यीशु खै जौरुरी ना आथी कै हर रौज औगौड़ियौ आपणै पापौ औरौ तोबै लोगौ खै पापौ कारिए बलिदान चौढ़ांव, जिथुकै यीशु आपी खै बलिदान चौढ़ायौ तैणै ऐकैई बैई सौबै लोगौ कै पापौ कारिए आपी खै बल़ि चौढ़ाए दिया।

इब्रानियों 8:3

जिथुकै हरेक महायहूदी पुरोहित खै भैंट चौढ़ाणौ कारिए औरौ पापौ कै माफी कारिए बलिदान चौढ़ाणौ कारिए चुणो। इथकारिए जौरुरी औसौ कै अमारै महापुरोहित यीशु कैई बै किछै चौढ़ाणौ कारिए हौंव।

इब्रानियों 9:9

ऐजी सौबै चीज़ौ सिरफ इनु बातौ का उदारण थी जू कै ऐबै मसीह कै बौजैह शै पूरी हौए रैई। जिथुकै सैजी सौबै भैंट औरौ बलिदान जू तिनु लोगौ कै दवारा पौरमेशवर खै चौढ़ाए जांव थिए जू तैसकै आराधना कौरौ थिए, सैजै लोगौ कै मनो औरौ दिलो खै शुध्द कौरणौ कै लायक ना थी।