इब्रानियों 8:3 - सिरमौरी नौवाँ नियम

³ जिथुकै हरेक महायहूदी पुरोहित खै भैंट चौढ़ाणौ कारिए औरौ पापौ कै माफी कारिए बलिदान चौढ़ाणौ कारिए चुणो। इथकारिए जौरुरी औसौ कै अमारै महापुरोहित यीशु कैई बै किछै चौढ़ाणौ कारिए हौंव।

Sirmouri

³ किन्देंखे के बादे ऐक नाँम महाँ-याजक भेंट अरह् बल़ीदाँण चड़ाणों खे ही बंणाँऐं ज़ाँव, ईन्देंखे ऐजो जरूरी हऐ ज़ाँव, के ऐसी महाँ-याजक कैई भे किऐ चड़ाणों खे हों।

इब्रानियों 8:3 ပူးပေါင်းရင်းမြစ်များ

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

रोमियों 4:25

यीशु अमारै पापौ कारिए मौरे गौआ, औरौ पौरमेशवर आमु धरमी बाणणौ कारिए तैसी औटेयौ जियुंदी कौरा।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

रोमियों 5:8

पौरौ पौरमेशवर आमु पांदी आपणै प्यार कै भोलाए इयौं तरीकै लैई प्रगट कौरौ, कै जोबै आमु पापी ही थिए तौलोंई मसीह आमु कारिए मौरा।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 7:27

औरौ सैजै महायहूदी पुरोहित जू हारून कै पीढ़ी कै थिए तिनु साए यीशु खै जौरुरी ना आथी कै हर रौज औगौड़ियौ आपणै पापौ औरौ तोबै लोगौ खै पापौ कारिए बलिदान चौढ़ांव, जिथुकै यीशु आपी खै बलिदान चौढ़ायौ तैणै ऐकैई बैई सौबै लोगौ कै पापौ कारिए आपी खै बल़ि चौढ़ाए दिया।

इब्रानियों 8:4

औरौ जै मसीह दुनिया पांदी हौंदा तौ कौलोंई बै पुरोहित ना हौंदा, जिथुकै मूसा कै कानून कै हिसाब शै भैंट चौढ़ाणौ कारिए औगौड़ियौ दा ही पुरोहित मौजूद औसौ।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।