इब्रानियों 8:2 - सिरमौरी नौवाँ नियम

² औरौ अमारा महायहूदी पुरोहित पवित्र ठाँव दै सेवा कौरौ, यानी स्वर्ग दै साची मिलाप कै तोम्बू दै, जू आदमी कै दवारा नी पौरौ पौरमेशवर कै दवारा बाणै राए।

Sirmouri

² अरह् पबित्र जागा अरह् तेसी साच्चै ताँम्बू का सेवक बंणा, जेसी कोसी आदमी ऐ ने, परह् प्रभू ऐ आपु बंणाँऐं थुवा।

इब्रानियों 8:2 ပူးပေါင်းရင်းမြစ်များ

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

रोमियों 15:8

इथकारिए हांव बुलू मसीह, यहूदियों का सेवक ऐजौ बौताणौ कारिए बौणा, कै पौरमेशवर वादै खै पूरा कौरणौ कारिए साचा औसौ, जू तैणै तिनकै पुराणिया शै कौरे राए थिए।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

कुलुस्सियों 2:11

जोबै तुऐं मसीह पांदी बिशवाश कौरा तौ तोंवारा खतना आदमी कै दवारा ना होई जैशै यहूदी लोग कौरौ पौरौ मसीह कै दवारा सैजा खतना हौए रौआ जू तोंवारै पाप कौरणौवाल़ै स्‍वभाव कै हटायो दूर कौरौ।

इब्रानियों 10:11

हरेक यहूदी पुरोहित हर रौज वेदी कै सामणै खौड़ा रौंव औरौ लोगौ कै पापौ खै दूर कौरणौ कारिए नियमौ खै पूरा कौरौ। सै लगातार ऐक जैशणै बलिदानों खै चौढ़ादा रौंव जू कौलोंई बै तैसी आदमी कै पापौ खै दूर ना कौरे सौकौ, जू तैणै कौरे राए।

इब्रानियों 10:21

औरौ आमुकैंई ऐशणा महायहूदी पुरोहित औसौ जू पौरमेशवर कै घोरो पांदी राज कौरौ।

इब्रानियों 11:10

जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

इब्रानियों 9:1

औरौ पौरमेशवर कै तियौं कौरार कै बारै मुंजी जू बैजाए सौमय आगै मूसा कै दवारा इस्राएल देश कै लोगौ खै दैय राए थै, तिनुकैईं नियम थिए कै तिनु आराधना कैशै कौरणी चैंई औरौ तिनुकैईं आराधना का ऐक तोम्बू थिया जू आदमियों कै दवारा बाणै राए थिया।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।