इब्रानियों 8:10 - सिरमौरी नौवाँ नियम

¹⁰ तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।

Sirmouri

¹⁰ तबे हजो प्रभू बुलो: के तबे जुण्जा वाचा हाँव तिनू देसो पाछ़ी इस्राएल के घराने आरी करूबा, से ऐजा असो; के हाँव आप्णी अज्ञाँ-निय्म तिनके मंन दे पाँऊबा, अरह् तिनू तिनके दिल दे लिखी देऊँबा; अरह् हाँव तिनका पंण्मिश्वर बंणूबा, अरह् से मेरे लोग बंण्दे।

इब्रानियों 8:10 ပူးပေါင်းရင်းမြစ်များ

मत्ती 22:32

‘कै हांव तैरै पुराणिया अब्राहम, इसहाक, औरौ याकूब का पौरमेशवर औसौ।’ जू मौरेयौंदे का ना आथी, पौरौ जियुंदै का पौरमेशवर औसौ।”

रोमियों 11:27

औरौ तिनकै साथै मैरै ऐजी कौरार हौन्दी, जोबै कै हांव तिनकै पापौ खै माफ कौरदा।”

1 कुरिन्थियों 6:16

तौ तुऔं पौता हौणा चैंई कै जू कुणिए बै वेश्या कै साथै सौमबंध राखौ, सै वेश्या कै साथै ऐक शोरीर बौणै जांव। जिथुकै पवित्र शास्त्र दु लैखै राए, “दुईनै ऐक शोरीर हौंदै।”

2 कुरिन्थियों 3:3

ऐजौ प्रगट औसौ, कै तोंवारा बौदलैयौंदा जीवन ऐक चिट्ठी कै जैशणा औसौ जू मसीहे लैख राए, तैणै ऐजै चिट्ठी अमारै सेवकाई कै दवारा लैख राए; औरौ जू सियाई लैई या पाथरो कै पाटड़ी पांदी नी, पौरौ जियुंदै पौरमेशवर कै आत्मा लैई आदमी कै दिल कै पाटड़ी पांदी लैख राए।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 11:16

पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

1 पतरस 1:23

तुऔं ऐकी दुजैआरी प्यार कौरणा चैंई जिथुकै तुऔं पौरमेशवर कै ढौबौशा ऐक नौवाँ जीवन भैटी रौआ। तुऔं खै ऐजा जीवन कोसी ऐशणी चीज़ौ लैई ना भैटी रैई, जू नाश हौए जांदी पौरौ किछै ऐशणी चीज़ौ लैई भैटी रौआ जू हमैशा रौंदी। मतलब, आमु ऐजा नौवाँ जीवन पौरमेशवर कै जियुंदी औरौ सौदा कै वचन शै भैटी रौआ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।