इब्रानियों 7:8 - सिरमौरी नौवाँ नियम

⁸ पुरोहितो खै हर चीज़ का देशवाँ हिस्सा भैटौ, पौरौ सै आदमी हौणौ कै नातै मौरे जांव। मलिकिसिदक सौबै ठुँ का देशवाँ हिस्सा पोऊवा, पौरौ पवित्र शास्त्र आमु बौतांव कै सै इबी बै जियुंदी औसौ।

Sirmouri

⁸ अरह् ईथै तअ नाँषबान आदमी भे दषंवाँ-भाग लों, परह् तेथै सेजा ही दषंवाँ-भाग लों, जेस्के बारे दी पबित्र-ग्रन्थों भे ऐजी गुवाऐ-शाज़्त्त दियों, के से सदा जीऊँदा अमर असो।

इब्रानियों 7:8 ပူးပေါင်းရင်းမြစ်များ

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

इब्रानियों 3:16

भला कुणजै लोग पौरमेशवर कै आवाज़ शोणेयो तैसकै खिलाफ हुवे? सैजै इस्राएल देश कै लोग औसौ जिनुखै मूसाए अगुवाई कौरेयौ मिस्र देश शै बायरै लियोऊवे।

इब्रानियों 5:6

तैशैखैई ओकी ठाँव पांदी पौरमेशवरे तैसी औटेयौ बौल़ौ, “तू तैशैखैई जैशैकै मलिकिसिदक ऐक पुरोहित थिया हमैशा पुरोहित बौणेयौंदा रौंदा।”

इब्रानियों 6:20

यीशु आमुदा आगै औरौ अमारै खातिर स्वर्ग दा हौटा। सै महापुरोहित मलिकिसिदक कै जैशणा सौदा कारिए महायहूदी पुरोहित बौणै गौआ।

इब्रानियों 7:23

इथै यीशु मसीह कै पुरोहित कै ऐक ओकी बात औसौ तिनुमुंजी दै हरेक पुरोहित कै मौत हौए गौए औरौ इयौं बौजैह शै सै आपणा काम जारी ना राखै सौकी।

इब्रानियों 7:7

आमै निशोंक हौयौ जाणु कै जू आशीष दैंव सै आशीष पाणौ वाल़ै दा बौड़ा हौंव।

इब्रानियों 7:9

तौ आमु ऐजौ बै बौल़ै सौकु, कै लेवी जू लोगौ कैईंदा देशवाँ हिस्सा लोंव थिया, सै अब्राहम कै पीढ़ी का थिया। इथकारिए जोबै अब्राहम मलिकिसिदक शै भैटिया औरौ तैसीकै देशवाँ हिस्सा दिया, तौ आमु ऐजौ बौल़ै सौकु कै लेवीए बै अब्राहम कै दवारा मलिकिसिदक कै देशवाँ हिस्सा दिया।

इब्रानियों 9:27

हरेक आदमी कै ऐक बैई मौरणौ तय औसौ। मौत कै बाद, पौरमेशवर हरेक आदमी का न्याय कौरदा।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”