इब्रानियों 7:27 - सिरमौरी नौवाँ नियम

²⁷ औरौ सैजै महायहूदी पुरोहित जू हारून कै पीढ़ी कै थिए तिनु साए यीशु खै जौरुरी ना आथी कै हर रौज औगौड़ियौ आपणै पापौ औरौ तोबै लोगौ खै पापौ कारिए बलिदान चौढ़ांव, जिथुकै यीशु आपी खै बलिदान चौढ़ायौ तैणै ऐकैई बैई सौबै लोगौ कै पापौ कारिए आपी खै बल़ि चौढ़ाए दिया।

Sirmouri

²⁷ तिनखे ओकी याजक के जेऐ रोज, आगे तअ आप्णें पाप खे, अरह् तबे ओकी लोगों के पाप खे बंल़ी भेंट कर्णो के किऐ जरूरत्त ही ने आथी; किन्देंखे के तिन्ऐ ईन्देंकी ताँईऐ ऐकी ही बंई आपु आप्णीं कुँरबाँणीं की बंल़ी भेंट सदा खे करी दिती।

इब्रानियों 7:27 ပူးပေါင်းရင်းမြစ်များ

रोमियों 6:10

जिथुकै मसीह जोबै मौरे गौआ तौ पाप कारिए ऐकैई बैई मौरे गौआ; पौरौ जू जीवन सै ऐबै जियौं, सै पौरमेशवर कै सेवा कौरणौ कारिए जियौं।

इफिसियों 2:22

ओए रै बैगानै बिशवाशी जिथुकै तुऐं मसीह कै साथै एकजुट औसौ, इथकारिए तुऔं बै पौरमेशवर कै ओकी लोगौ कै साथै जोड़े लौवै। ताकि तुऐं ऐशणा घोर बौणै जांव जिथै पौरमेशवर का आत्मा रौंव।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 5:3

औरौ जिथुकै सै आपी कमजोर औसौ, तैसी कारिए ऐजौ जौरुरी औसौ कै ना सिरफ सै लोगौ कै पापौ कारिए बल्कि आपणै पापौ कारिए बै बलिदान चौढ़ांव।

इब्रानियों 8:4

औरौ जै मसीह दुनिया पांदी हौंदा तौ कौलोंई बै पुरोहित ना हौंदा, जिथुकै मूसा कै कानून कै हिसाब शै भैंट चौढ़ाणौ कारिए औगौड़ियौ दा ही पुरोहित मौजूद औसौ।

इब्रानियों 9:12

औरौ यीशु मसीह सौबी दै पवित्र ठाँव दा सिरफ ऐकै बैई औरौ हमैशा कारिए हौटा। सै आपणै साथै बाकरी कौ लोऊ लैयौ ना हौटै रैई थी। तैसका बलिदान तैसकौ आपणौ लोऊ औसौ, इथलैई तैणै आमु पापौ शै हमैशा कारिए आज़ाद कौरे दियै।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।

इब्रानियों 9:25

महायहूदी पुरोहित खै हर साल ऐक बल़ि कौरेयौंदो जानवर का लोऊ लैयौ तोम्बू कै दूजै कोमरै दो जाणौ पौड़ौ थियु। पौरौ यीशु मसीहे ऐशै ना कौरी। जै ऐशै हौंदौ, तौ शुरुआत कै सौमय शै तैसीखै लगातार कैई बार बलिदान हौणौ पौड़दौ। पौरौ ऐबै इयौं दुनिया कै आखिर दा सै सौबी कारिए ऐकै बैई ओऊवा, ताकि आपी खै बलिदान कौरेयौ, सै अमारै पापौ खै दूर कौरे सौकौ।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

इब्रानियों 9:7

पौरौ ओकी कोमरै दा सिरफ महायहूदी पुरोहित पूरै सालो दा सिरफ ऐकै बैई तैसी महापवित्र ठाँव दा जांव थिया। सै हमैशा तिनु जानवरो कौ लोऊ लैयौ जांव थिया जू बल़ि कारिए चौढ़ाए जांव थियु। ऐजौ लोऊ सै आपणै पापौ औरौ लोगौ कै दवारा कौरेयौंदे पापौ की बौजैह शै पौरमेशवर कै चौढ़ांव थिया, जू पाप तिनुऐ अणजाणै दै कौरे राए थिए।