इब्रानियों 7:26 - सिरमौरी नौवाँ नियम

²⁶ यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

Sirmouri

²⁶ तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

इब्रानियों 7:26 ပူးပေါင်းရင်းမြစ်များ

मत्ती 27:18

जिथुकै सै जाणौ थिया, कै तिनुऐ यीशु खै रिशो की बौजैह शै थोमाए राए थिया।

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 23:22

तैणै तिजाल़ियों तिनुखै बौल़ौ, “किथुखै, ऐणै का बुरु कौरे राखौ? मोऐं ऐसी दी हत्या कै सौजा कै लायक किछै बै बात ना पैई! इथकारिए हांव ऐसी कौड़ै शै पीटाएयों छोड़े दियु।”

लूका 23:41

औरौ आमुए तौ न्याय कै हिसाब शै सौजा पाए लौए, जिथुकै आमुए आपणै कामौ कै सोही फोल़ पाए लौआ; पौरौ ऐणै तौ कुणजाई बै गौलत काम ना कौरे रैई।”

लूका 23:47

सूबेदारे जू किछै हौए रौ थियु दैखैबा पौरमेशवर की बौड़ाए कौरे, औरौ बौल़ौ, “जौरुर ऐजा आदमी धरमी थिया।”

लूका 24:26

ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?”

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

यूहन्ना 14:30

मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी।

यूहन्ना 8:29

मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

प्रेरितो कै काम 3:14

तुऐं यीशु कै ना अपनैई, जू पवित्र औरौ धरमी थिया। औरौ तुऐं चोऊ कै ऐकी हथयारै खै तुऔं कारिए छोड़े दिया जांव।

प्रेरितो कै काम 4:27

जिथुकै सौथी कै तैरै पवित्र सेवक यीशु, जैसका तुऐं अभिषेक कौरे राए तैसकै खिलाफ दै बैगानै यहूदी लोगौ औरौ इस्राएल देश कै लोगौ कै साथी मिलैयौ राजा हेरोदेस औरौ पुन्‍तियुस पिलातुस राज्यपाल बै ऐसी नोगरो दै कौठै हौए रौवै,

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 2:10

पौरमेशवरे इनु सौबी चीज़ौ खै बाणी औरौ सौबै चीज़ौ खै आपी कारिए संभाल़ेयौ राखी। इयौं बौजैह शै, कै बैजाए लोगौ खै आपणी महिमा दै साझा कौरौ, पौरमेशवरे ऐजा फोयसला लौआ कै ऐजौ सोही हौंदौ कै प्रभु यीशु दुख सैयौ सिध्द बौणै जांव जू चाल-चलन दा साफ औसौ। जिथुकै यीशु ही औसौ जू तिनु उध्दार कै ढौबौ लौए जांव।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 7:11

लोगौ खै तिनु पुरोहितो कै योजना कै आधार पांदी मूसा कै कानून दैय राए जू लेवी गोत्र कै हारून दै आए रौवै थिए, पौरौ लोग तियौं योजना कै दवारा सिद्ध ना बोणै सौकौ। इथकारिए ऐक ओका पुरोहित कै आणौ कै जौरुरत थी, ऐक ऐशणा पुरोहित जू हारून कै जैशणा ना आथी पौरौ मलिकिसिदक कै जैशणा थिया।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।

1 पतरस 2:22

पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

1 यूहन्ना 2:2

सैजाई अमारै पापौ खै माफ कौरणौ कारिए बलिदान हौए गौआ औरौ सिरफ आमु कारिए ही नी पौरौ सारै दुनिया कै लोगौ खै पापौ कै माफी कारिए बलिदान हौए गौआ।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,