इब्रानियों 6:9 - सिरमौरी नौवाँ नियम

⁹ पौरौ ओए रै मैरै प्यारे बिशवाशी भाईयों! तुऐं आछा काम कौरे लौआ। जिथुकै पौरमेशवरे आगैई तुऔं बौचाए राए। इथकारिए ऐजी चैतावणी तुऔं कारिए औसौ।

Sirmouri

⁹ परह् हे प्यारे साथियों, जे आँमें ऐजी बातो बुलो, तबे ही आँमें तुवाँरे बारे दी, ईन्दें शी आच्छ़ी अरह् छ़ुट्कारा देंणों वाल़ी बातो का बिश्वाष करह्।

इब्रानियों 6:9 ပူးပေါင်းရင်းမြစ်များ

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

1 कुरिन्थियों 10:14

ऐशैखैई, ओए रै मैरै प्यारो, मूर्ति पूजा शै दूर भागैया।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

2 कुरिन्थियों 7:10

जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।

2 पतरस 3:1

ओए रै बिशवाशी भाईटु, ऐबै हांव तुऔं ऐजी दूजै चिट्ठी लिखु, मोऐं तुऔं ऐजी दुईनै चिट्ठी इथकारिए लिखी ताकि जू बातौ तुऐं आगै शै ही जाणौए, तिनकै बारै मुंजी तुऔं याद दियाणौ कै दवारा हांव तोंवारै मन दै साफ विचारो खै पौयदा कौरे सौकु।

1 यूहन्ना 2:7

ओए रै प्यारो, मोऐं तुऔं खै कुणजै नोऐं आज्ञा ना लैखै लैई, पौरौ सैजी पुराणी आज्ञा जू शुरु सै तुऔं भैट रौए; जिथु तुऐं शौणै राए जोबै तुऐं मसीह पांदी बिशवाश कौरा।

यहूदा 1:3

ओए रै मैरै साथी बिशवाशियौं, भलैई हांव तुऔं पौरमेशवर कै मोक्ति कै बारै मुंजी बैजाए लिखणु चोऊं थिया, जिथमुंजी आमै सौबै शामिल औसौ, हांव जरुरत महसूस कौरु कै हांव तुऔं कै हिम्मत दैणौ कारिए लिखु कै जैसी सौचाई पांदी आमै बिशवाश कौरु। पौरमेशवरे आपणै पवित्र लोगौ खै ऐजै सौचाई ऐक बैई हमैशा कारिए दैय राए जू कौलोंई ना बौदलौ।