इब्रानियों 6:4 - सिरमौरी नौवाँ नियम

⁴ जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।

Sirmouri

⁴ किन्देंखे के जिन्ऐं ऐकी बई पंण्मिश्वर का ज्ञाँन, अरह् तिनका त्तैज-प्रकाष देखी पाया; अरह् जेने स्वर्गो के बरंदाँन का सुवाद चाखी पाया, से पबित्र-आत्त्मा का हिस्सेदार बंणी गुवा।

इब्रानियों 6:4 ပူးပေါင်းရင်းမြစ်များ

मत्ती 12:45

तोबै दुष्टआत्मा जायौ आपी दी बै जादा बुरी सात दुष्टआत्मा खै आपणै साथै लियांव, औरौ सै तैसी आदमी दी जाएयो ठिकाणा बौणांव, औरौ तैसी आदमी कै पाछलै हालत इदै बै बोरै हौए जांव; ऐसी जमाने कै बुरै लोगौ कै साथै बै ऐशैखैई हौंदौ।”

मत्ती 5:13

“तुऐं इयौं दुनिया कै लोगौ कारिए नूण कै जैशणै औसौ, पौरौ जै नुणौ का स्वाद बिगड़ै जांव, तौ तिथु कियों चीज़ौ लैई नुणाटौ कौरलै? तोबै सै किथुई कामको ना आथी, सिरफ इथकारिए कै बायरै फेरकाए जांव, औरौ सै आदमी कै लातो तौड़ी मांडे जांव।

यूहन्ना 15:6

जै कुणिए मुं दै बौणैयौंदे ना रौंव, तौ तिनु काटैयौ फेरकाए दैंव। जोबै सै शाई शोकै जांव, तौ तिनु कौठी कौरेयौ जोल़ाए दैंव।

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 6:32

यीशुए तिनुखै बौल़ौ, “हांव तुऔं खै साचौ-साचौ बुलू कै मूसाए तुऔं सैजी रोटी स्वर्ग शै ना दी पौरौ मैरा पिता पौरमेशवर तुऔं खै साची रोटै स्वर्ग शै दैंव।

प्रेरितो कै काम 10:45

औरौ जैतरै खतना कौरेयौंदे यहूदी बिशवाशी पतरस कै साथी आए रौवै थिए, सै सौबै हैरान हुवे कै बैगानै यहूदी पांदी बै पवित्र आत्मा का दान दैय राए।

प्रेरितो कै काम 11:17

औरौ इथकारिए पौरमेशवरे तिनु बै सैजाई दान दैय राए, जू आमु प्रभु यीशु मसीह पांदी बिशवाश कौरणौ शै भैटी रौआ; तौ हांव कुण थिया जू पौरमेशवर कै रौकै सौकु थिया?”

प्रेरितो कै काम 15:8

औरौ मन कै जांचणौ वाल़ै पौरमेशवरे तिनुखै बै आमु साए पवित्र आत्मा दैयौ दिखोऊ कै पौरमेशवरे तिनु आपणै लोग जाणैयौ अपनाए राए।

प्रेरितो कै काम 8:20

पतरसे तैसी बौल़ौ, तू औरौ तैरै पौयसै नाश हौंव, जिथुकै तुऐं पौरमेशवर का वरदान पौयसै लैई मोलै लोणो का विचार कौरे राए।

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

गलातियौं 3:2

हांव तुऔं कैईंदा ऐक सवाल पूछणा चोऊं का तुऔं पवित्र आत्मा मूसा कै कानून का पालन कौरणौ लैई भैटौ, ना! बिल्कुल नी! तुऔं पवित्र आत्मा भैटा जिथुकै तुऐं तैसी सौंदेश पांदी बिशवाश कौरा जू तुऐं मसीह कै बारै मुंजी शुणा।

गलातियौं 3:5

जू तुऔं भरपूरी शै आत्मा दान कौरौ औरौ तुऔं दै चौमत्कार कै काम कौरौ, का ऐजौ इयौं बौजैह शै औसौ कै तुऐं मूसा कै कानून का पालन कौरौ या ऐजौ इयौं बौजैह शै औसौ कै तुऐं मसीह का सुसमाचार शुणा?

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

इफिसियों 3:7

औरौ पौरमेशवरे मुखै ऐई मुंजी आपणा अनुग्रह औरौ बौड़ी शौकतै शै, सुसमाचार बौताणौ का सौभाग्य दैय राए।

इफिसियों 4:7

पौरौ मसीहे आमु मुंजीदै हरेक आदमी कै तैसकै काम कौरणौ कारिए जौई-जौई खास वरदान दैय राए। औरौ ऐजौ जैसी हिसाब शै तैणै दैणौ चोऊ, तैसी हिसाब शै दैय दियु।

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

2 तीमुथियुस 4:14

बासणौ बाणणौवाल़ै सिकन्‍दरे मुं आरी हर तरह शै बुराई कौरी रैई प्रभु तैसी तैसकै बुरै कामौ कै हिसाब शै बौदला दैंदा।

इब्रानियों 10:32

तिनु पाछलै दूसौ कै बारै मुंजी सुंचौ जोबै तुऐं आगलै बैई मसीह कै बारै मुंजी जाणै राए थियु। याद कौरौ कै तुऐं कैशै बिशवाश लायक बौणैयौंदे रौवै चाए इथकारिए तुऔं बैजाए दुख सैहणा पौड़ौ।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।

1 यूहन्ना 5:16

जै कुणिए आदमी आपणै बिशवाशी भाईटु खै ऐशणा पाप कौरदै बैई दैखौ जिथका नतीजा मौत ना हौंव, तैसी कारिए प्रार्थना कौरौ, औरौ पौरमेशवर तैसी आदमी खै जिन्दगी दैंदा। पौरौ जैसी कोसी आदमीए ऐशणा पाप कौरे राला जिथका नतीजा मौत हौंव तौ हांव तैसकै बारै मुंजी तुऔं प्रार्थना कौरणौ कारिए ना बुलू।