इब्रानियों 6:17 - सिरमौरी नौवाँ नियम

¹⁷ इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

Sirmouri

¹⁷ ईन्देंखे पंण्मिश्वर तिनू बाय्दे करे अंदें हंकदार खे साफ कर्णो चहाँव थिऐ, के मुँऐं देणों का जुण्जा बाय्दा करी थुवा; से कद्दी भी बद्ल़ी ने सक्दा; ईन्देकी ताँईऐं तिन्ऐं आपु-आप्णी षौह्-कंस्म करी।

इब्रानियों 6:17 ပူးပေါင်းရင်းမြစ်များ

यूहन्ना 10:10

चोर सिरफ भेड़ो कै चुराणो, मारणौ औरौ नाश कौरणौ कारिए ही आंव। हांव इथकारिए ओऊवा ताकि सै पूरी तरह शै जियुंदै रौंव।

रोमियों 11:29

जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इब्रानियों 11:7

बिशवाश लैई ही नूह खै जोबै पौरमेशवर तैसी ऐक बाढ़ कै बारै मुंजी चैतावणी दैय जू तैणै इबी ना दैखै रैई थी, तोबै बै तैणै चैतावणी पायौ पौरमेशवर आरी बैजाए डौर कै साथै आपणै परिवार कै बौचाणौ कारिए जहाज बाणौ, नूह कै बिशवाश शै औकै लोग जिनुवै बिशवाश ना कौरी, दोषी ठौहरै। औरौ नूह आपणै बिशवाश लैई ही पौरमेशवर की नज़र दा धरमी बौणा

इब्रानियों 11:9

तैसी देश दा जिथका वादा पौरमेशवरे अब्राहम शै कौरे राए थिया, अब्राहम ऐक पराए कै जैशणा तोम्बूओं दा रौंव थिया। तैसकै साथै, तैसका बैटा इसहाक औरौ पौता याकूब बै तोम्बू दै रौंव थिए, जिनु पौरमेशवर कै ढौबौशा ऐजाई वादा भैटी रौआ थिया।

इब्रानियों 6:16

शौं खांदै बैई लोग सौदा आपणै दै बौड़ै कोसी आदमी कै नांव का इस्तैमाल कौरौ। शौं ऐजौ साबित कौरौ कै जू तिनुऐ बौल़ै लो सैजौ साचौ औसौ, औरौ ऐजौ हरेक बैहस खै खत्म कौरे दैंव।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।

1 पतरस 3:7

ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।