इब्रानियों 6:11 - सिरमौरी नौवाँ नियम

^11-12 आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

Sirmouri

¹¹ परह् आँमें हजो बैजाऐ ऐशो चहाँव, के तुँओं मुँझ़्शे ऐक नाँम जंण आखरी तोड़ी ऐसी ही भोर्षे दे रंहणों के कोशिष कर्दे रंह्।

इब्रानियों 6:11 ပူးပေါင်းရင်းမြစ်များ

मत्ती 24:13

पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

लूका 1:1

मानै गिणियोंदा थियुफिलुस बौहितै लोगै आमु मुंजी हौए रोई घोटणांव कै बारै मुंजी ऐकी कागजात दी लिखणौ कै कौचिश कौरे राए।

रोमियों 12:8

जैसीखै खुशी कौरणौ का वरदान औसौ, तौ सै लोगौ कै खुशी कौरदा रौंव; जै दान दैणौवाल़ा हौंव तौ दिल खोले कै दान दैंव; जै इनु अगुवाई कौरणौ का वरदान औसौ तौ ऐजौ लगन कै साथै कौरौ, जू दया कौरौ, सै खुशी शै कौरौ।

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

1 कुरिन्थियों 13:13

इथकारिए, ऐबै, इनु ती भान्त कै कामौ खै आमु कौरणा चैंई: पौरमेशवर पांदी बिशवाश कौरौ, पौरमेशवर कै वादै पांदी आशा राखौ, औरौ ओकीआरी प्यार कौरौ। पौरौ इनु ती बातो मुंजी दी, ओकीआरी प्यार कौरणा ही सौबिदी बौड़ी बात औसौ।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

गलातियौं 5:5

हांव ऐशै बौल़ै सौकु जिथुकै आमु पवित्र आत्मा पोरे आशा दियांव कै पौरमेशवर आमु धरमी कै रुप दै अपनाए राए जिथुकै आमै मसीह पांदी बिशवाश कौरु।

गलातियौं 6:9

आमु भले काम कौरणौ दै पाछु ना रौं तौ जै आमै कौलोंई हार ना मानु, तौ पौरमेशवर शै आपणै सौमय पांदी इनाम पांदै।

फिलिप्पियों 3:15

आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 थिस्सलुनीकियों 4:10

औरौ तुऐं आगै दैई आपणै साथी बिशवाशियौं कै प्रति आपणा प्यार दिखाए राए जू मकिदुनिया प्रदेश दै रौंव। पौरौ ओए रै बिशवाशी भाईयों, आमै तुऔं शै बिन्ती कौरु, कै हौजौ बै बौढ़दै जाव,

2 थिस्सलुनीकियों 3:13

औरौ तुऐं, ओए रै बिशवाशी भाईयों, भलैई निराश हौए गौवै तोबै बै भोलाए कौरणै नी छोड़ेया।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

1 यूहन्ना 3:14

आमै जाणुए कै आमै मौत कै शौकतै शै आज़ाद हौए गौवै, औरौ ऐबै आमुकैंई पौरमेशवर कै ढौबौशै सौदा कै जिन्दगी औसौ; जिथुकै आमु भाईटु आरी प्यार राखु। जू प्यार ना कौरौ सै मौत कै औधिकार दा रौंव।

1 यूहन्ना 3:19

जोबै आमु ऐकी दुजैआरी प्यार कौरु तौ इथी लैई आमै जाणुए कै आमु सौचाई कै औसौ; औरौ जैसी बातौ दा अमारा मन आमु दोषी ठोहरांव, तियौं बातौ कै बारै मुंजी आमै आपणै मनो कै तैसकी मौजूदगी दै चोयन दिलाए सौकु। जिथुकै पौरमेशवर अमारै मनो शै बौड़ा औसौ औरौ सै सौबै ठुँ जाणौए।

प्रकाशितवाक्य 2:26

सैजै लोग जू जीत हासिल कौरौ, औरौ जू आखरी सौमय तौड़ी मैरी आज्ञा खै मानौ, हांव तिनु देशो पांदी राज्य कौरणौ का औधिकार दैंदा।