इब्रानियों 5:14 - सिरमौरी नौवाँ नियम

¹⁴ बढ़िया नाज़ सिरफ तिनु लोगौ कै खातिर औसौ जू मोजबूत औसौ, औरौ पौरमेशवर कै नज़र दै सोही जीवन जियौं औरौ शिक्षा कै दवारा शैखै गौवै कै का आछौ औसौ औरौ का बुरु औसौ।

Sirmouri

¹⁴ परह् नाँज अरह् भारी खाणाँ, तअ बह्ड़े सम्झदार लोगों खे ही हों, जुण्जे ज्ञाँन-संहम्झ़ दे अरह् भले बुरे के भेंद् कर्णो दे संहम्झ़दार हों।

इब्रानियों 5:14 ပူးပေါင်းရင်းမြစ်များ

मत्ती 5:48

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

रोमियों 14:1

जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

1 कुरिन्थियों 2:6

तोबै बै जोबै हांव आत्मिक रुप शै मोजबूत बिशवाशियौं कै बीच मुंजी रोऊं, तोबै हांव ज्ञान कै शब्दो कै साथै बुलू। पौरौ ऐजा ज्ञान संसारिक औरौ इयौं दुनिया कै हाकिमो का ना आथी; जिनका नाश हौणौवाल़ा औसौ।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 4:13

ऐजौ तांव तौड़ी जारी रौंदौ जांव तौड़ी कै आमै आपणै बिशवाश औरौ पौरमेशवर कै बैटै कै बारै मुंजी आपणी सौमझ दै एकजुट ना हौए जोऊं। तांव तौड़ी आमै मोजबूत हौए जांदै, जैशैकै मसीह औसौ, औरौ आमु पूरी तरह शै तैसकै जैशणै हौए जांदै।

फिलिप्पियों 3:15

आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

1 थिस्सलुनीकियों 5:21

पौरौ हरेक सौंदेश कै जांच पड़ताल कौरौ कै सै पौरमेशवर कै ढौबौशौ औसौए कै आथी ना, जू आछै सौंदेश खै स्वीकार कौरौ औरौ तिनका पालन कौरौ।

1 तीमुथियुस 4:7

पौरौ तिनु झूठी कहाणी औरौ जू बातौ पौरमेशवर कै आदर ना दैंव तिनुदै दूर रौया। औरौ तुऔं पौरमेशवर कै आदर दैणा वाल़ा जीवन जिणौ कारिए आपी कै लगातार शिखांदै रौणौ चैंई।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।