इब्रानियों 5:12 - सिरमौरी नौवाँ नियम

¹² तुऐं लाम्बै सौमय शै बिशवाश कौरदै आए रौवै। इबी तौड़ी तौ तुऔं खै शिखाणै वाल़ै हौए जाणौ चैंई थियु। इथकै बजाय, तुऔं इबी बै कोसी कै जौरुरत औसौ जू तुऔं पौरमेशवर कै वचनो की बुनियादी शिक्षा औटेयौ शिखांव। तुऐं तौ ऐशणै हौए गौवै, मानौ नानड़िया ही हौलै। काठौ खाणौं खाणौ कै बजाय, तुऔं खै इबी बै दूध ही चैंई।

Sirmouri

¹² बख्त्तो के बिचार शे तअ तुऐं गुरू बंणीं गुऐ चैई थिऐ; तबे कियों ऐजो जरूरी असो, के कुँऐ तुओं खे दुज़ाल़िऐ पंण्मिश्वर के बचनों के शिक्क्षा हजों शुरू शी ही दियों? अरह् तुऐं ऐशे बंणी गुऐ; के हेबी तोड़ी तुओं खे नाँज के बद्ल़े दुध ही भेंटो चैई।

इब्रानियों 5:12 ပူးပေါင်းရင်းမြစ်များ

मत्ती 17:17

यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रोऊंबा? औरौ कोलो तौड़ी तुंआरी सोंहुबा? तैसी भैईया मैरै धोरे इथै लांव।”

मरकुस 9:19

ऐजौ शौणैबा यीशुए तिनुखै जोवाब देएबा बौल़ौ, “ओए रै बिशवाश ना कौरणौवाल़ै लोगौ, हांव कोलो तौड़ी तोंवारै साथै रौंदा? औरौ कोलो तौड़ी तुऔं झैलदा? तैसी भैईया खै मैरै धोरे लियांव।”

प्रेरितो कै काम 7:38

ऐजाई मूसा ऐक पौरमेशवर कै बातौ बौताणौवाल़ै कै रुप दा अमारै पुराणियो कै साथै थिया, जोबै सै रेगिस्थान दै कौठै थिए। पौरमेशवरे आपणै स्‍वर्गदूत कै भैजा जैणै सीनै पाहाड़ पांदी मूसा शै बातौ कौरी औरौ मूसा कै अमारै कानून दिए औरौ मूसाए तिनु कानून कै आमु तौड़ी पोऊंचाए।

रोमियों 3:2

ऐक यहूदी हौणौ कै बैजाए फायदै औसौ। सौबदै खास बात ऐजी औसौ कै, पौरमेशवर कै वचन यहूदी लोगौ खै सौंपै राए।

1 कुरिन्थियों 14:19

कलीसिया दो मुं कारिए आछौ औसौ कै तिथै पाँच शब्द ही बुलू जू सौमझै जाए सौकौ औरौ शिखाणौ या ओकी खै सलाह दियु, बजाय मैरै शब्दो कै बौल हज़ारो हौंव पौरौ सौमझै ना जाए सौकौ।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

गलातियौं 4:3

तैशैखैई पौरमेशवर कै जाणणौ दै आगै, तौ आमुए गुलाम कै जैशणा ऐसी दुनिया कै किछै धार्मिक नियमौ का पालन कौरे लौआ थिया।

फिलिप्पियों 3:1

इथकारिए ओए रै मैरै बिशवाशी भाईटु, प्रभु दै सौदा खुश रौव। सैजी बातौ तुऔं कै बार बार लिखणौ मुंजी मुखै तौ कुणजाई कोष्ट ना हौंव, बल्कि ऐजी बातौ झूठै गुरुओं शै तुंआरी रक्षा कौरदी।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

इब्रानियों 10:32

तिनु पाछलै दूसौ कै बारै मुंजी सुंचौ जोबै तुऐं आगलै बैई मसीह कै बारै मुंजी जाणै राए थियु। याद कौरौ कै तुऐं कैशै बिशवाश लायक बौणैयौंदे रौवै चाए इथकारिए तुऔं बैजाए दुख सैहणा पौड़ौ।

इब्रानियों 5:11

इथकै बारै मुंजी बौताणौ कारिए बैजाए औसौ पौरौ तिथकै बारै मुंजी खौलेयौ बौताणौ चैईथु औसौ। जिथुकै तुऐं पौरमेशवर कै वचन कै बारै मुंजी शिखणौ दै सुस्त हौए गौवै।

इब्रानियों 5:13

जिथुकै दूध पिणौ वाल़ै तौ धरम कै काम कौरणौ कै बारै मुंजी पवित्र शास्त्र की शिक्षाओं औरौ पौरमेशवर कै सौंदेश खै ना जाणौ जिथुकै सै नानड़िया औसौ।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।