इब्रानियों 4:9 - सिरमौरी नौवाँ नियम

⁹ इथकारिए पौरमेशवर कै लोगौ कारिए ऐबै बै ऐक ठाँव तैयार औसौ, जिथै सै पूरी तरह शै विशांव कौरे सौकौ। सै तैशैखैई विशांव कौरौ जैशै पौरमेशवरे सातवें दूसै विशांव कौरा।

Sirmouri

⁹ तअ: जाँणी पाव के पंण्मिश्वर के लोगो खे, बिषाँव को देस हजो भे माँनों ज़ाँव;

इब्रानियों 4:9 ပူးပေါင်းရင်းမြစ်များ

मत्ती 1:21

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 11:25

तैणै पौरमेशवर कै लोगौ कै साथै आपी पांदी आणौवाल़ै अत्याचार का चुनाव कौरा, बजाय इथकै कै दैणिक सौमय कारिए पाप कै सुख का आनन्द लोऊँ।

इब्रानियों 3:11

तोबै मोऐं गुस्से दै आयौ शौं खाए, सै मैरै विशांव कै ठाँव दै जाए ना सौकदै।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

इब्रानियों 4:10

जिथुकै पौरमेशवरे आपणा काम खत्म कौरणौ कै बाद विशांव कौरा, औरौ ऐजौ तिनु सौबी कारिए बै ऐशैखैई औसौ जू पौरमेशवर कै धोरे विशांव कौरदै जांव। सै आपणा काम खत्म कौरणौ कै बाद विशांव कौरदै।

इब्रानियों 4:3

इथकारिए आमै लोग जू तियौं बातौ पांदी बिशवाश कौरु जू पौरमेशवरे बौल़ै राए, विशांव कै ठाँव दै प्रवेश कौरदै; औरौ ओकी कै बारै मुंजी पौरमेशवरे बौल़ौ, “मोऐं आपणै गुस्से दै शौं खाए, कै सै मैरै विशांव दै ना जांदै।” पौरौ आमै जाणुए कै ऐजा विशांव का ठाँव दुनिया कै बाणणौ कै सौमय शै ही थिया।

इब्रानियों 4:8

आमै ऐजौ बै जाणुए कै पौरमेशवरे जैसी विशांव कै ठाँव का वादा कौरे राए, सैजा कनान देश ना आथी, जिथमुंजी जाणौ कारिए यहोशूए अमारै पुराणिया कै अगुवाई कौरे। जिथुकै जै ऐजा कनान देश हौंदा तौ पौरमेशवर बाद मै ऐक औकै विशांव कै बारै मुंजी चौर्चा नी कौरदा।

1 पतरस 2:10

पौरमेशवर कै बातौ बौताणौवाल़ै होशे जू लैखै राए सैजौ तोंवारै बारै मुंजी साचौ औसौ। आगै तुऐं पौरमेशवर कै लोग ना थी, पौरौ ऐबै तुऐं पौरमेशवर कै लोग औसौ। आगै तुऐं पौरमेशवर कै दया खै ना जाणौ थिए पौरौ ऐबै तुऐं इयौं जाणौए जिथुकै तैणै शुरु शै ही तुऔं पांदी दया दिखाए राए।

प्रकाशितवाक्य 14:13

तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”

प्रकाशितवाक्य 21:4

औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”