इब्रानियों 4:7 - सिरमौरी नौवाँ नियम

⁷ इथकारिए पौरमेशवरे आपणै विशांव कै ठाँव पांदी भैजणौ कारिए ओका सौमय तय कौरा, औरौ सैजा सौमय ऐलो औसौ। कैईंयौं सालो कै बाद तैणै दाऊदो लैई इनु वचन कै घोषणा कौरवाए, जू ऐलो कै सौमय शै हज़ारो साल आगैई बौल़ै राए थिए: “जै ऐलो तुऐं पौरमेशवर कै आवाज़ शुणौ, तौ तैसकै आवाज़ शुणणौ शै मोना नै कौरौ।”

Sirmouri

⁷ तअ तबे पंण्मिश्वर ऐ किऐ खास देस बंणाँऐयों, ऐतोड़े देसो बित्त्णों पाछ़ी, दाऊद की किताबे दो तिन्देंखे ऐत्त्लो को देस बुलो; जेष्णों तिन्ऐं आगे बुलो थियों: के “जे तुऐं ऐत्त्लो तिनकी धाव शुँणों; तअ आप्णें मंन कंठूर ने करे।”

इब्रानियों 4:7 ပူးပေါင်းရင်းမြစ်များ

मत्ती 22:43

यीशुए तिनु कैईंदु पूछु, “तौ दाऊद पवित्र आत्मा दै हौयौ तैसीखै प्रभु किथुखै बौल़ौ?

मरकुस 12:36

जोबै आपणै सौमय दो राजा दाऊदे पवित्र आत्मा की शौकतै दो हौयौ बौल़ौ: ‘प्रभु पौरमेशवरे मैरै प्रभु खै बौल़ौ, मैरै सोऐं ढौबौ बौठ, जांव तौड़ी हांव तैरै बौयरी खै हराए ना दियु।’”

लूका 20:42

राजा दाऊदे तौ आपणै भजन संहिता कै किताबो दो लैखै राए, ‘प्रभुए मैरै प्रभु कैंई बौल़ौ, मैरै सोऐं ढौबौ बौठ,

प्रेरितो कै काम 2:29

ओए रै बिशवाशी भाईयों, हांव तैसी पुराणिया राजा दाऊद कै बारै मुंजी तुऔं कैईंदु हिम्मत कै साथै बौल़ै सौकु कै सै तौ मौरे गौआ औरौ दबाए बै गौआ, औरौ तैसकै कब्र ऐलो तौड़ी अमारै इथै मौजूद औसौ।

प्रेरितो कै काम 2:31

ऐजौ जाणैयौ कै हौणौवाल़ी बातौ दा पौरमेशवर का कौरदा पौरमेशवरे मसीह कै मौरेयौंदे मुंजीदा जियुंदी हौणौ कै बात कौरे। तैणै बौल़ौ, तू मुखै पताल़ो दा ना रौणौ दैंदा, औरौ ना आपणै पवित्र आदमी कै लाश कै शौड़णो दैन्‍दा।

प्रेरितो कै काम 28:25

जोबै सै आपी मुंजी ऐक मत ना होई, तौ पौलुस कै इयौं ऐकी बातौ कै बौलणौ पांदी हौटै गौवै, “पवित्र आत्माए यशायाह पौरमेशवर कै बातौ बौताणौवाल़ै कै दवारा तोंवारै पुराणिया शै ठीक ही बौल़ौ,

इब्रानियों 3:15

जैशैकै पवित्र शास्त्र दो लैखै राव, “जै ऐलो तुऐं पौरमेशवर कै आवाज़ शुणौ, तौ तैसकी आज्ञा मानणौ शै मोना नै कौरौ, जैशै तोंवारै पुराणियाए परीक्षा कै सौमय पौरमेशवर कै खिलाफ विद्रोह कौरे राए थिया।”