इब्रानियों 4:12 - सिरमौरी नौवाँ नियम

¹² जिथुकै पौरमेशवर का वचन जियुंदी औरौ काम कौरणौवाल़ा औसौ, सै कियौंई दौ धार वाल़ी तलवार दा बै जादा पौईना औसौ। सै प्राण औरौ आत्मा खै, गांठ औरौ मैंजै कै जौई कौरौ औरौ अमारै मन की इछाओं औरौ विचारो खै पौरखै पांव।

Sirmouri

¹² किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।

इब्रानियों 4:12 ပူးပေါင်းရင်းမြစ်များ

लूका 8:11

“ऐसी उदारण का मतलब ऐजा औसौ: बिज़ पौरमेशवर का वचन औसौ।

यूहन्ना 12:48

जू मुखै बैकार सौमझौ, औरौ मैरी बातौ ना शुणौ तैसका न्याय कौरणौवाल़ा ऐक औसौ: यानी जू बातौ मोऐं बौल़ै रैई, सै तैसीकै न्याय कै दूसै दोषी ठोहरांदी।

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

प्रेरितो कै काम 2:37

जोबै लोगै ऐजौ शुणु तौ सै आपी खै दोषी महसूस कौरदै लागै, औरौ सै पतरस औरौ ओकी चोणेयौंदे चैलै कैईंदु पूछदै लागै, “ओए रै भाईयों, आमै का कौरु?”

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

प्रेरितो कै काम 5:33

ऐजौ शोणेयो सभा कै सदस्य गुस्से हुवे औरौ चोणेयौंदे चैलै कै मारणा चांव थिए।

प्रेरितो कै काम 7:38

ऐजाई मूसा ऐक पौरमेशवर कै बातौ बौताणौवाल़ै कै रुप दा अमारै पुराणियो कै साथै थिया, जोबै सै रेगिस्थान दै कौठै थिए। पौरमेशवरे आपणै स्‍वर्गदूत कै भैजा जैणै सीनै पाहाड़ पांदी मूसा शै बातौ कौरी औरौ मूसा कै अमारै कानून दिए औरौ मूसाए तिनु कानून कै आमु तौड़ी पोऊंचाए।

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

1 कुरिन्थियों 1:24

पौरौ जिनुखै पौरमेशवरे बौएदै राए का यहूदी, का बैगानै यहूदी, ऐजाई मसीह पौरमेशवर कै शौकतै औरौ पौरमेशवर का ज्ञान औसौ।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

इफिसियों 5:13

जोबै कियौंई चीज़ौ पांदी पेयाशो चौमकौ तौ कुणिए बै दैख सौकौ कै सैजी चीज़ कैशणै औसौ, जिथुकै जोबै पेयाशो कियौंई चीज़ कै दिखांव तौ सैजी चीज़ आपी पेयाशो बौणै जांव।

इफिसियों 5:26

ताकि सै कलीसिया कै पौरमेशवर कै वचन औरौ पाणी शै धौयौ शुध्द कौरेयौ पवित्र बाणै सौकौ।

इफिसियों 6:17

उध्दार यानी पौरमेशवर कै बौचाणौ वाल़ै शौकतै कै टोप साए बाम्बै पांव। पवित्र आत्मा कै तलवार जू पौरमेशवर का वचन औसौ तैसी उंढा कौरौ।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

इब्रानियों 6:5

तिनुऐ महसूस कौरे राए थियु कै पौरमेशवर कै ढौबौशा आणौवाल़ा सौंदेश आछा औसौ औरौ तिनुऐ तैसी आणौवाल़ै सौमय कै शौकतै कै महसूस कौरे राए जू आणौवाल़ा औसौ।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

1 पतरस 1:23

तुऔं ऐकी दुजैआरी प्यार कौरणा चैंई जिथुकै तुऔं पौरमेशवर कै ढौबौशा ऐक नौवाँ जीवन भैटी रौआ। तुऔं खै ऐजा जीवन कोसी ऐशणी चीज़ौ लैई ना भैटी रैई, जू नाश हौए जांदी पौरौ किछै ऐशणी चीज़ौ लैई भैटी रौआ जू हमैशा रौंदी। मतलब, आमु ऐजा नौवाँ जीवन पौरमेशवर कै जियुंदी औरौ सौदा कै वचन शै भैटी रौआ।

प्रकाशितवाक्य 1:16

सै आपणै सोऐं हाथौ दै सात तारै लौएयौंदे थिया, औरौ तैसकै मुं पौरैशै पोईनी दौ धार वाल़ी तलवार निकल़ौ थी, तैसका चैहरा तैशणा ही चौमकिला चौमकै रौआ थिया, जैशै सुरज दूसौ दुफारियौ कै चौमकौ।

प्रकाशितवाक्य 19:15

तैसकै मुँह पौरैशै ऐक तैज तलवार निकल़ै जिथलैई सै देशो कै हराए दैन्दा। जू कुणिए बै तैसकै औधिकार कै अपनांव ना सै तिनु पूरी तरह शै सौजा दैन्दा। सै सौबिदा बौड़ा शौकतीशाली पौरमेशवर कै खतरनाक प्रकोप कै तैशैखैई छोड़ दैन्दा, जैशैकै ऐक रसकुण्ड शै अंगूरो का रस बौंए।

प्रकाशितवाक्य 19:21

तोबै चिटै घोड़े कै घुड़शवारै तैसी राकस कै सौबी सैनिकौ कै मारै दियै, तैणै तिनु तियौं तलवार लैई काटै दियै जू तैसकै मुँह पौरैशै निकल़ौ थै। तोबै गौयणै कै पक्षी तांव तौड़ी लाशो कौ मांस खांदै रौवै जांव तौड़ी कै तिनकै छौकै नी गौ।

प्रकाशितवाक्य 2:16

इथकारिए पाप कौरणा छोड़ी दैव, जै तू बुरै काम कौरणै बंद नी कौरला तौ हांव तावल़ा आन्दा औरौ तिनु लोगौ खै खिलाफ तियौं तलवारै लैई लौड़दा, जू मैरै मुँह शै निकल़ौ, जू मैरा वचन औसौ।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।

प्रकाशितवाक्य 20:4

औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।