इब्रानियों 4:11 - सिरमौरी नौवाँ नियम

¹¹ इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

Sirmouri

¹¹ ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 4:11 ပူးပေါင်းရင်းမြစ်များ

मत्ती 11:12

औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ।

मत्ती 7:13

“पौरमेशवर कै राज्य दै जाणौ कै बाट सांगड़ै दियोल़ बाटी हौयौ जांव, चौड़ै औसौ सैजी दियोल़, औरौ आसान औसौ, सैजी बाट जू बिनाश कै ढौबौ खै जांव, औरौ बौहितै लोग औसौ जू तिंदै हौयौ जांव।

लूका 13:24

“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै।

लूका 16:16

जांव तौड़ी यूहन्ना बपतिस्मा दाता ना ओऊवा, तांव तौड़ी मूसा कै कानून औरौ पौरमेशवर कै बातौ बौताणौवाल़ै का सौंदेश तुऔं बाट दिखांव थिया, पौरौ ऐबै पौरमेशवर कै राज्य का सुसमाचार प्रचार कौरा जांव, औरौ सौबवे भीतरै जाणौ चांव।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

प्रेरितो कै काम 26:19

इथकारिए ओए रै राजा अग्रिप्पा, हांव ऐसी स्वर्ग कै दर्शन का पालन कौरदा रौआ,

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

इफिसियों 5:6

कुणिए बै तुऔं कै ऐजा सुझाव दैयौ धौखा ना दैंव कै पौरमेशवर सौथी कै तिनु लोगौ कै सौजा ना दैंदा जू ऐशै पाप कौरौ।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

कुलुस्सियों 3:6

जू लोग इनु बुरै कामौ कै कौरौए पौरमेशवर जौरुर तिनु सख्त सौजा दैंदा।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

इब्रानियों 3:18

औरौ जोबै पौरमेशवरे सख्ताई शै घोषणा कौरे कै, सैजै कौलोंई बै तियौं जोमीनो पांदी जाए ना सौकदै जिथै हांव तिनु विशांव दैंदा, तौ तैणै निशोंक हौयौ तिनु लोगौ कै बारै मुंजी बौल़ै लौ जिनुवै आज्ञा ना मानी।

इब्रानियों 4:6

पौरौ लोगौ खै तैसी विशांव ठाँव दै जाणौ का मौका ऐबै बै औसौए। इस्राएल देश कै सैजै लोग जिनुमुंजी आगलै बैई सुसमाचार कै घोषणा कौरे राए थै, सै प्रवेश कौरणौ दै नाकामयाब हुवे जिथुकै तिनुऐ पौरमेशवर कै आज्ञा ना मानी।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

2 पतरस 2:6

तुऐं ऐजौ बै जाणौए कै बैजाए सौमय औगौड़ियौ पौरमेशवरे सदोम औरौ अमोरा कै शहरो दै रौणौवाल़ै लोगौ खै सौजा दै जिथुकै तिनुऐ बुरै काम कौरे राए थिए। इथकारिए तैणै तिनु पूरी तरह शै भस्म कौरे दियै जांव तौड़ी कै सिरफ राख ना रौए गौई। ऐशै कौरेयौ तैणै दिखोऊ कै तिनु लोगौ कौ का हौंदौ जू तैसका डौर ना मानौ।