इब्रानियों 3:7 - सिरमौरी नौवाँ नियम

⁷ इथकारिए जैशै पौरमेशवर आपणै आत्मा कै दवारा बौल़ौ, जै ऐलो तुऐं पौरमेशवर कै आवाज़ शुणौ,

Sirmouri

⁷ ईन्देंखे ठीक जेष्णाँ पबित्र-आत्त्मा का बुल्णाँ असो: के “जे तुँऐं ऐत्त्लो तिनकी धाव शुँणो,

इब्रानियों 3:7 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 22:43

यीशुए तिनु कैईंदु पूछु, “तौ दाऊद पवित्र आत्मा दै हौयौ तैसीखै प्रभु किथुखै बौल़ौ?

मरकुस 12:36

जोबै आपणै सौमय दो राजा दाऊदे पवित्र आत्मा की शौकतै दो हौयौ बौल़ौ: ‘प्रभु पौरमेशवरे मैरै प्रभु खै बौल़ौ, मैरै सोऐं ढौबौ बौठ, जांव तौड़ी हांव तैरै बौयरी खै हराए ना दियु।’”

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 10:27

मैरी भेड़ो मैरै धाव पौछेयाणौए, औरौ हांव तिनुकै जाणुए औरौ सै मैरै पाछै-पाछै दी हांडो।

यूहन्ना 10:3

तैसी कारिए रोखवाल़ा दवार खोले दैंव, औरौ भेड़ो तैसकी आवाज़ पोयछाणो, औरौ सै आपणै भेड़ो का नांव लोयो बोईदौ औरौ बायरै लोए जांव।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

प्रेरितो कै काम 1:16

“ओए रै, भाईयों जौरुरी थियु, कै पवित्र शास्त्र दो यहूदा कै बारै मुंजी लिखैयौंदी बात पूरी हौं, जू पवित्र आत्माए बौहुत सौमय आगै राजा दाऊद कै जरिए यहूदा इस्‍करियोती कै बारै दो बौताए राए थियु कै सै यीशु कै पाकौड़णौ वाल़ै लोगौ का बौतैईया बौणै गौआ।

प्रेरितो कै काम 28:25

जोबै सै आपी मुंजी ऐक मत ना होई, तौ पौलुस कै इयौं ऐकी बातौ कै बौलणौ पांदी हौटै गौवै, “पवित्र आत्माए यशायाह पौरमेशवर कै बातौ बौताणौवाल़ै कै दवारा तोंवारै पुराणिया शै ठीक ही बौल़ौ,

प्रेरितो कै काम 8:29

तोबै पवित्र आत्माए फिलिप्‍पुस कै बौल़ौ, नज़दीक जायौ ऐसी रथ कै साथी हांड।

इब्रानियों 10:15

औरौ पवित्र आत्मा बै आमु ऐजौ बौतांव कै ऐजौ साचौ औसौ। पौरमेशवर कै तैसी वादै कै याद कौरौ जिथका जिक्र मोऐं आगै कौरे राए थिया जिथमुंजी तैणै बौल़ौ,

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

इब्रानियों 3:15

जैशैकै पवित्र शास्त्र दो लैखै राव, “जै ऐलो तुऐं पौरमेशवर कै आवाज़ शुणौ, तौ तैसकी आज्ञा मानणौ शै मोना नै कौरौ, जैशै तोंवारै पुराणियाए परीक्षा कै सौमय पौरमेशवर कै खिलाफ विद्रोह कौरे राए थिया।”

इब्रानियों 4:7

इथकारिए पौरमेशवरे आपणै विशांव कै ठाँव पांदी भैजणौ कारिए ओका सौमय तय कौरा, औरौ सैजा सौमय ऐलो औसौ। कैईंयौं सालो कै बाद तैणै दाऊदो लैई इनु वचन कै घोषणा कौरवाए, जू ऐलो कै सौमय शै हज़ारो साल आगैई बौल़ै राए थिए: “जै ऐलो तुऐं पौरमेशवर कै आवाज़ शुणौ, तौ तैसकै आवाज़ शुणणौ शै मोना नै कौरौ।”

इब्रानियों 9:8

इनु नियमौ लैई पवित्र आत्मा आमु ऐजौ सौमझांव कै जांव तौड़ी इयौं धोरती पांदी मिलाप वाल़ा तोम्बू औरौ इथकै नियमौ कै मानै जांव, तांव तौड़ी स्वर्ग दा पौरमेशवर कै सौबीदै पवित्र ठाँव दै जाणौ कै बाट इबी तौड़ी ना खोले रैई।

2 पतरस 1:21

जिथुकै कुणजै बै भविष्यवाणी आदमीए आपी ना लैख रैई। पौरौ पवित्र आत्माए तिनु सैजै वचन लिखणौ दै मौदद कौरे जू पौरमेशवर चांव थिया कै सै लिखौ।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।