इब्रानियों 3:14 - सिरमौरी नौवाँ नियम

¹⁴ जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

Sirmouri

¹⁴ किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 3:14 ပူးပေါင်းရင်းမြစ်များ

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

रोमियों 11:22

इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 10:17

जिथुकै ऐक रोटी इयौं बातौ कै निशानी औसौ कै आमै जू कैतरै जोणे औसौ मसीह दै ऐक शोरीर औसौ, जिथुकै आमै सौब ऐक रोटै पौरैशौ खोऊं।

1 कुरिन्थियों 9:23

औरौ हांव सौबै ठुँ मसीह कै बारै मुंजी सुसमाचार प्रचार कौरणौ कारिए कौरु, कै मुखै सुसमाचार दा वादा कौरेयौंदे आर्शीवाद का हिस्सा भैटी सौकौ।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

1 तीमुथियुस 6:2

औरौ जिनकै मालिक बिशवाशी औसौ, सैजै गुलाम आपणै मालिको का आदर कौरौ, इनु सै मसीह दै भाई सौमझौ, पौरौ हौजौ आछै तरीकै शै तिनकै सेवा कौरणै चैंई, जिथुकै तिनकै काम का फायदा उठाणौ वाल़ै बिशवाशी औसौ जिनु सै मसीह दै भाई जैशणै प्यार कौरौ तू इनु बातौ कै शिक्षा औरौ उपदैश दैया कौर।

इब्रानियों 11:1

जू लोग पौरमेशवर पांदी भोरोशा राखौ तिनु निशोंक हौयौ सैजौ ही भैटदौ जिथकै आमै आशा राखु औरौ ऐजा भोरोशा राखणा चैंई कै जू चीज़ौ आमै दैख ना सौकु सैजी सौथीखै औसौ।

इब्रानियों 12:10

ऐसी दुनिया दै अमारै पिता जू तिनु सोही लागौ थियु तिथकै हिसाब शै आमु डांटौ थिए, पौरौ पौरमेशवर अमारै फायदै कारिए कौरौ, ताकि आमु बै तैसकै जैशणै पवित्र बौणै जांव।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

इब्रानियों 6:4

जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।