इब्रानियों 3:12 - सिरमौरी नौवाँ नियम

¹² ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

Sirmouri

¹² हे भाऐ-बंईणों च़ौक्क्ष रूऐ, के तुँओं मुँझी कुँऐं बुरे अरह् बै-बिश्वाषी मंन के ने हों, जू तुँओं से जीऊँदे पंण्मिश्वर शे दुर्के ने नींयों।

इब्रानियों 3:12 ပူးပေါင်းရင်းမြစ်များ

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मत्ती 24:4

यीशुए तिनुखै जवाब दिया “चौकश रौया कै कुणिए तुऔं खै भोरमाऐ नै दैंव।

मरकुस 13:23

पौरौ तुऐं चौकश रौया, दैखौ मोऐं तुऔं खै सौब बातौ आगैई बौताए दी जू हौणौवाल़ी औसौ।”

मरकुस 13:33

दैखौ, जागदै औरौ प्रार्थना कौरदै रौव; जिथुकै तुऐं ना जाणौ कै हांव कोलो पाछु आन्दा।

मरकुस 13:9

पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

लूका 21:8

यीशुए बौल़ौ, “चौकश रौया, कै भोरमाए नै जांव, जिथुखै बौहितै लोग मैरै औधिकार का दावा कौरदै औरौ बौलदै, कै हांव ही मसीहा औसौ, औरौ ऐजौ बै कै सौमय नेड़िक आए गौआ, तुऐं तिनकै पौछौड़ियौ नी हौए जाया।

रोमियों 11:21

जिथुकै जोबै पौरमेशवरे आछी शाई पांदी दया ना कौरी, तौ सै तुऔं पांदी दया ना कौरदा।

1 कुरिन्थियों 10:12

इथकारिए जै तिथै कुणिए ऐशणा आदमै औसौ जू बौल़ौए कै पौरमेशवर पांदी तैसका भोरोशा मोजबूत औसौ, तौ तैसी चौकश रौणौ चैंई कै ऐशै नी हौं कै सै धौखै शै बिशवाश शै भटकै जांव औरौ सै पाप कौरौ।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

इब्रानियों 10:31

जियुंदी पौरमेशवर कै हाथौ लैई सौजा पाणै बैजाए खतरनाक बात औसौ।

इब्रानियों 10:38

औरौ मैरै सैजै लोग जू बिशवाश शै धरमी बौणै रौवै सै जियुंदी रौंदै। औरौ जै सै पौरमेशवर पांदी भोरोशा कौरणा छोड़े दैंव, तौ हांव सौथीखै तिनुदा खुशी ना हौंदा।”

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 12:22

पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 3:10

इथकारिए हांव तैसी सौमय खै लोगौ दा गुस्से रौआ, औरौ मोऐं बौल़ौ तिनुऐ मुखै औपनेई ना औरौ मोऐं जू कौरणौ कै आज्ञा दैय राए थै, सै तिथु कौरणौ कै भाजै गौवै।

इब्रानियों 3:19

आमु पौता चालै गौआ कै बिना बिश‍वाश की बौजैह शै सैजै विशांव कै ठाँव दै जाए ना सौकौ।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।