इब्रानियों 2:8 - सिरमौरी नौवाँ नियम

⁸ तोऐं तैसी सौबै चीज़ौ पांदी औधिकार दिया।” इथकारिए जोबै कै पौरमेशवरे सौब ठुँ आदमी कै अधीन कौरे राए, तौ तैणै किछै ना राख रैई, जू आदमी कै अधीन नै हौं। पौरौ आमै दैख सौकु कै ऐलो तौड़ी बै सौब ठुँ आदमियों कै अधीन ना आथी।

Sirmouri

⁸ तुँऐं बादी चींजों तेस्के बंष दी करी दित्ती” अरह् बादी संईसारी तेस्के अंधींन दे करियों पंण्मिश्वर ऐं ऐशो किऐ ने छ़ुड़ीं जू तेस्के बंष-अधीन ने करी दिती; परह् संच्चाऐ ऐजी असो, के हेबी तोड़ी आँमें बादी चींजों तेस्के बंष दी ने देंखी लंई।

इब्रानियों 2:8 ပူးပေါင်းရင်းမြစ်များ

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

1 कुरिन्थियों 15:27

जोबै पवित्र शास्त्र बौल़ौ कै पौरमेशवर सौबै ठुँ तैसकी शौकतै कै अधीन कौरे दैंदा तौ इथमुंजी पौरमेशवर शामिल ना आथी जिथुकै ऐजा पौरमेशवर ही थिया जैणै सौबै ठुँ मसीह कै शौकतै कै अधीन कौरे राए थियु।

इब्रानियों 1:13

पौरमेशवरे आपणै कोसी स्‍वर्गदूत खै ऐशै कौलोंई ना बुली, “तू मैरै सोऐं ढौबौ आदर कै साथै बौठ, जांव तौड़ी कै हांव तैरै दुशमन खै पूरी तरह शै हराए नी दियु।”

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।

इब्रानियों 2:5

पौरमेशवरे तियौं आणौवाल़ै दुनिया खै, जिथकै बारै मुंजी आमुए बौल़ै लो, स्‍वर्गदूतौ कै अधीन नी, पौरौ प्रभु यीशु कै अधीन कौरे राए।

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।