इब्रानियों 2:4 - सिरमौरी नौवाँ नियम

⁴ पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।

Sirmouri

⁴ ईन्देंके सुवाऐ पंण्मिश्वर ऐ चींह्न-चंम्त्तकार अरह् आप्णी कंई-किस्मं के अनोंख्हें काँमों के कारण: अरह् आप्णीं हिछ़या के मुँताबिक देऐ गंऐ पबित्र-आत्त्मा के तागत्त के कारण भी ईन्देंके घोष्णाँ करी थंऐ।

इब्रानियों 2:4 ပူးပေါင်းရင်းမြစ်များ

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

मरकुस 6:14

तोबै हेरोदेस राजाए बै तिनकै चौर्चा शौणै, जू काम यीशुए कौरे लौवै थिए, जिथु बौहितै लोग यीशु कै बारै दै जाणौ थिए औरौ तैसकौ नांव मोशुर हौए गौ थियु, औरौ कैई लोग यीशु कै बारै दै बौल़ौ थिए, यूहन्ना बपतिस्मा दाता मौरेयौंदे मुंजीदा जियुंदी हौए गौआ, इथकारिए तैणै चौमत्कार कै काम प्रगट कौरे लौवै।

यूहन्ना 15:26

पौरौ जोबै सैजा हौंसला दैणौवाल़ा आला, जैसी हांव तोंवारै धोरे पिता पौरमेशवर कै ढौबौशा भैजदा, या सच का आत्मा जू पिता पौरमेशवर कै ढौबौशा भेजेयोंदा औसौ, सै मैरै गवाही दैला।

यूहन्ना 4:48

यीशुए तैसीखै बौल़ौ, “जांव तौड़ी तुऐं निशान औरौ अनौखै काम नै दैखी, तांव तौड़ी कौलोंई मुं पांदी मसीह कै भैष दा बिशवाश ना कौरदै।”

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 5:32

औरौ आमै इनु बातौ कै गवाह औसौ, औरौ तैशैकैई पवित्र आत्मा बै, जैसी पौरमेशवरे तिनु दैय राए जू तैसकी आज्ञा मानौ।”

इफिसियों 1:5

जिथुकै पौरमेशवर आमुआरी प्यार कौरौ, इथकारिए तैणै बैजाए आगै ऐजा फोयसला कौरा कै सै आमु आपणै संतान बाणदा जिथुकै आमै यीशु मसीह कै साथै ऐक औसौ पौरमेशवरे ऐशै आपणै ही इछा औरौ खुशी कै हिसाब शै कौरे राए।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 4:7

पौरौ मसीहे आमु मुंजीदै हरेक आदमी कै तैसकै काम कौरणौ कारिए जौई-जौई खास वरदान दैय राए। औरौ ऐजौ जैसी हिसाब शै तैणै दैणौ चोऊ, तैसी हिसाब शै दैय दियु।

इब्रानियों 6:4

जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।