इब्रानियों 2:17 - सिरमौरी नौवाँ नियम

¹⁷ इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

Sirmouri

¹⁷ ईन्दीखे हर ऐक ढंग शो प्रभू यीशू मसीया खे ऐष्णों जरूरी ही थियों, के से भी आप्णें भाऐ-बंईणों जेष्णें ही बंणों; के सोभी की पापों की ताँईऐ से पंस्ताँवे कर्णो खे आप्णा बंल़ीदाँण करियों, पंण्मिश्वर के सहाँम्णें कृपा कर्णो वाल़ा, अरह् बिश्वाष ज़ूगा महाँ-याजक बंणीं ज़ाँव।

इब्रानियों 2:17 ပူးပေါင်းရင်းမြစ်များ

रोमियों 15:17

इथकारिए हांव यीशु मसीह कै बौजैह शै पौरमेशवर कै सेवा पांदी गर्व कौरे सौकु।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

इफिसियों 2:16

क्रूस पांदी आपणै मौत कै दवारा, मसीहे दो झुंडो कै ऐक कौरे राए, औरौ तिनका मिलाप पौरमेशवर शै कौरवाए राए, ताकि यहूदी लोगौ औरौ बैगानै यहूदी लोगौ कै बीच नफरत मिटै जांव।

कुलुस्सियों 1:21

इदै आगै तुऐं पौरमेशवर शै बैजाए दूर थिए। तुऐं पौरमेशवर कै दुशमन थिए जिथुकै तोंवारै सोंच बुरै थै।

इब्रानियों 10:21

औरौ आमुकैंई ऐशणा महायहूदी पुरोहित औसौ जू पौरमेशवर कै घोरो पांदी राज कौरौ।

इब्रानियों 2:11

जिथुकै जू लोगौ खै तिनकै पापौ शै शुध्द कौरौ औरौ जू पवित्र लोग आपणै पापौ शै शुध्द कौरे जांव सौबै ऐकैई पिता कै संतान औसौ, यानी पौरमेशवर तिनका पिता औसौ, इयौं बौजैह शै यीशु तिनु भाईटु बौलणौ शै ना शर्मावं।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

इब्रानियों 2:16

जिथुकै ऐजौ साफ औसौ कै सै स्‍वर्गदूतौ कै मौदद कौरणौ कै नी, पौरौ अब्राहम कै वंशज कै मौदद कौरदा आए रौआ थिया।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 3:2

यीशु पौरमेशवर कै प्रति ईमानदार थिया, जैणै तैसी ऐजा काम कौरणौ कै खातिर चोणे राए थिया, ठीक तैशैखैई, मूसाए बै ईमानदारी कै साथै सैजौ सौबै ठुँ कौरौ जू पौरमेशवरे तैसी कौरणौ कारिए दैय राए थियु।

इब्रानियों 3:5

मूसा तौ पौरमेशवर कै सौबै लोगौ कै खातिर सेवक कै जैशणा ईमानदार रौआ, जू काम मूसाए कौरे, सैजै सिरफ तिनु बातौ कै साची उदारण थिए, जू पौरमेशवर आणौवाल़ै सौमय दौ बौलदा।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 5:2

जिथुकै ऐक आदमी हौणौ कै नातै सै आपी बै कमजोरियों खै अधीन औसौ। इथ बौजैह शै सै नासमझ औरौ भोटकैयोंदै लोगौआरी प्यार शै बर्ताव कौरे सौकौ।

इब्रानियों 5:5

तैशैखैई, मसीहे बै आपी खै महायहूदी पुरोहित बौणैयौं आपी खै आदर दैणौ का फोयसला ना कौरी। पौरौ पौरमेशवरे मसीह का ऐजौ बौलेयौ आदर कौरा कै, “तू मैरा बैटा औसौ, ऐलो हांव ऐजौ साबित कौरु कै हांव ही तैरा पिता औसौ।”

इब्रानियों 6:20

यीशु आमुदा आगै औरौ अमारै खातिर स्वर्ग दा हौटा। सै महापुरोहित मलिकिसिदक कै जैशणा सौदा कारिए महायहूदी पुरोहित बौणै गौआ।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

इब्रानियों 7:28

जिथुकै मूसा कै कानून तौ कमजोर आदमी खै महायहूदी पुरोहित खै चुणो, पौरौ सैजी शौं जू मूसा कै कानून कै बाद आई तियैं पौरमेशवर कै बैटै खै महायहूदी पुरोहित कै रुप दा चुणा। सै हमैशा कारिए अमारै खातिर सिध्द महायहूदी पुरोहित बौणै गौआ।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।

इब्रानियों 8:3

जिथुकै हरेक महायहूदी पुरोहित खै भैंट चौढ़ाणौ कारिए औरौ पापौ कै माफी कारिए बलिदान चौढ़ाणौ कारिए चुणो। इथकारिए जौरुरी औसौ कै अमारै महापुरोहित यीशु कैई बै किछै चौढ़ाणौ कारिए हौंव।

इब्रानियों 9:11

पौरौ ऐबै मसीह महायहूदी पुरोहित बौणै गौआ, जू नौवें कौरार कै सौबै आछै अनुभव दैंव, जू आमुकैंई आगै शै औसौ। यीशु मसीह स्वर्ग दा हौजौ बै महान, औरौ बैजाए सिद्ध मिलाप कै तोम्बू दा हौटा, जू आदमियों कै हाथौ लैई ना बाणै रैई थी औरौ ऐसी दुनिया की बाणैयौंदी चीज़ौ का हिस्सा नै आथी।