इब्रानियों 2:16 - सिरमौरी नौवाँ नियम

¹⁶ जिथुकै ऐजौ साफ औसौ कै सै स्‍वर्गदूतौ कै मौदद कौरणौ कै नी, पौरौ अब्राहम कै वंशज कै मौदद कौरदा आए रौआ थिया।

Sirmouri

¹⁶ किन्देंखे के ऐजो पाक्को असो, के स्वर्गदूत्तों की ताँईऐं ने, परह् से बाबा-अब्राहम के बंष-गंड़ी की मंद्दत्त कर्दे आऐ।

इब्रानियों 2:16 ပူးပေါင်းရင်းမြစ်များ

रोमियों 2:25

हांव ताखै किछै बौलणौ चोऊं। तैरै खतना कौरवाणौ कै कीमत सिरफ तोबै ही औसौ जौल़ौ तू मूसा कै कानून कै मानै। पौरौ जै तू सैजौ ना कौरे जू मूसा कै कानून बौल़ौ, तौ तुऐं खतना कौरेयौंदे यहूदी लोग तिनु लोगौ कै जैशणै ही औसौ जू यहूदी लोग ना आथी औरौ जिनका खतना ना हौए रैई।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

इब्रानियों 12:10

ऐसी दुनिया दै अमारै पिता जू तिनु सोही लागौ थियु तिथकै हिसाब शै आमु डांटौ थिए, पौरौ पौरमेशवर अमारै फायदै कारिए कौरौ, ताकि आमु बै तैसकै जैशणै पवित्र बौणै जांव।

इब्रानियों 2:15

औरौ ऐशैखैई प्रभु यीशुए तिनु सौबी खै आज़ाद कौरे दियै, जू हर सौमय गुलामो कै जैशणै रौंव थिए जिथुकै सै मौरणौ दै डौरौ थिए।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

इब्रानियों 6:16

शौं खांदै बैई लोग सौदा आपणै दै बौड़ै कोसी आदमी कै नांव का इस्तैमाल कौरौ। शौं ऐजौ साबित कौरौ कै जू तिनुऐ बौल़ै लो सैजौ साचौ औसौ, औरौ ऐजौ हरेक बैहस खै खत्म कौरे दैंव।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।