इब्रानियों 13:3 - सिरमौरी नौवाँ नियम

³ कैदियों खै ऐशणै याद कौरौ, कै मानौ तिनकै साथै तुऐं बै कैद औसौ; औरौ जू सोताएयौंदे लोग औसौ, तिनकै साथै तुऐं बै आपणै शोरीर दो ऐशै महसूस कौरौ जैशै तुऐं बै पीड़ो सौय लोई।

Sirmouri

³ कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।

इब्रानियों 13:3 ပူးပေါင်းရင်းမြစ်များ

मत्ती 25:36

जोबै हांव नांगा थिया, तुऐं मुखै बामणौ खोटणो दियै, जोबै हांव बीमार थिया, तौ तुऐं मैरै दैखभाल कोरी, जोबै हांव कोयदी दा थिया, तुऐं मुखै भैटिंदै ओऊवे।’

मत्ती 25:43

हांव प्रदेशी थिया, औरौ तुऐं मुखै आपणै घोरो दा ना राखी, हांव नांगा थिया, औरौ तुऐं मुखै लुस्कै नै बोम्बेई, हांव बीमार औरौ ज़ेलो दा थिया, औरौ तुऐं मैरा ध्यान नै राखी।’

प्रेरितो कै काम 24:23

औरौ सूबेदार खै आज्ञा दै, कै पौलुस खै रोखवाल़ी दा राखौ, पौरौ तैसीकै ऐतरै आज़ादी जौरुर दैया कै तैसकै खास दोस्त आयौ तैसकै सेवा कौरे सौकौ।

प्रेरितो कै काम 27:3

दूजै दूसै आमै सैदा नगर पौंचै गौवै औरौ यूलियुसे पौलुस पांदी दया कौरेयौ कै तैसी दोस्तो कै इथै जाणौ दिया कै तिनु कैईंदी जौरुरी चीज़ौ लियांव।

रोमियों 12:15

खुश रौणौवाल़ै कै साथै खुशी मोनांव, औरौ रुणोवाल़ै कै साथै रुओं।

1 कुरिन्थियों 12:26

जै शोरीर का कुणजाई अंग दुख पांव, तौ तैसकै साथै शोरीर कै औकै सौबै अंग बै दुख पांव। जै कोसी ऐकी अंग कै इज्जत बौढ़ौ तौ सौबी अंग कै इज्जत बौढ़ौ।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

कुलुस्सियों 4:18

मोऐं पौलुसे तुऔं नमशकार कौरणौ कारिए चिट्ठी कै ऐसी हिस्से कै आपणी लिखाए दो लैखै लो। याद राखौ कै हांव कोयदखाने दा औसौ औरौ मुं कारिए प्रार्थना कौरदै रौव। पौरमेशवर का अनुग्रह तुऔं पांदी हौंदा रौंव। आमीन

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 11:37

तिनुमुंजी दै किछै बिशवाशी खै पथराव कौरेयौ मारै दियै, तिनु आरै लैई चिरेयौ दौ फांकौ कौरे दियै, तिनु तलवार लैई काटैयौ मारै दियै, सै गरीब थिए, औरौ तिनु दुख औरौ कौल़ेश सैहणै पौड़ै औरौ तिनुआरी बुरा बर्ताव कौरा। तिनु भेड़-बाकरी कै खोलड़ै कै लुस्कै बाम्बणै पौड़ै औरौ उंडै पुंडे भौटकै।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।