इब्रानियों 13:24 - सिरमौरी नौवाँ नियम

²⁴ आपणै सौबी अगुवो औरौ सौबै पवित्र लोगौ खै नमशकार बौल़ौ, इटली देश कै बिशवाशी तुऔं कै नमशकार बौल़ौ।

Sirmouri

²⁴ आप्णें बादे अगुऐ अरह् बादे पबित्र लोगो खे नमंष्कार बुले। इटली देश शे आऐ अंदे लोग तुँओं खे नमंष्कार बुलो।

इब्रानियों 13:24 ပူးပေါင်းရင်းမြစ်များ

प्रेरितो कै काम 18:2

औरौ तिथै अक्विला नांव का ऐक यहूदी आदमी भैटा जैसका जन्म पुन्‍तुस प्रदेश दा हौए रौआ थिया; औरौ आपणै घोरवाल़ी प्रिस्किल्‍ला कै साथी इटली देश दा कुछैक सौमय औगौड़ियौ आए रौआ थिया, जिथुकै महाराजा क्लौदियुस सौबै यहूदी लोगौ खै रोम देश शै आगु जाणौ कै आज्ञा दैय राए थी, तैसी आदैश कै बौजैह शै सै कुरिन्‍थुस शहर दै ओऊवे।

प्रेरितो कै काम 27:1

जोबै फेस्तुस राज्यपाल दवारा ऐजौ पाको हौए गौ कै आमै जहाजो खै दवारा इटली देश कै जांदै, तौ तिनुऐ पौलुस औरौ किछै ओकी कोयदी खै बै यूलियुस नांव कै सूबेदार खै हाथौ दै सौंपै दिए। जू महाराजा औगुस्‍तस कै सैनिक गुट का ऐक सूबेदार थिया।

प्रेरितो कै काम 9:13

हनन्‍याहए जोवाब दिया, “ओए रै प्रभु मोऐं ऐसी आदमी कै बारै मुंजी बौहितै लोगौ शै शौणै राए कै ऐणै यरूशलेम शहर दै तैरै पवित्र लोगौ कै साथै बैजाए बुरु कौरे राए।

1 कुरिन्थियों 16:16

इथकारिए हांव तुऔं कैईंदी बिन्ती कौरु कै ऐशणै अगुवे कै आज्ञा का पालन कौरौ यानी सौबी कै जू कड़ी मैहनत कौरौ औरौ जू ऐशणी साची भोक्‍ती कै साथै सेवा कौरौ।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

2 कुरिन्थियों 13:13

सौबै पवित्र लोग तुऔं खै नमशकार बौल़ौ।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

फिलिप्पियों 4:22

सौबै पवित्र लोग खास कौरेयौ जू महाराजा कै महल दै जू बिशवाशी औसौ तुऔं खै नमशकार बौल़ौ।

कुलुस्सियों 1:2

ऐजै चिट्टी मसीह दै तिनु पवित्र औरौ भोरोशे लायक भाईयों खै नांव औसौ जू कुलुस्‍से शहर दै रौंव। अमारा पिता पौरमेशवर तुऔं अनुग्रह औरौ शान्तै दैंदा रौंव।

फिलेमोन 1:5

जिथुकै लोग मुखै बौतांव कै तू प्रभु यीशु पांदी बिशवाश कौरणौ दा बौणेयौंदा औसौ, औरौ ऐजौ बै कै तू पौरमेशवर कै सौबै पवित्र लोगौ आरी प्यार कौरे।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।