इब्रानियों 13:22 - सिरमौरी नौवाँ नियम

²² ओए रै बिशवाशी भाईयों, हांव तुऔं कैईंदै बिन्ती कौरु, कै ऐसी सौंदेश कै धीरज शै शुणौ जू मोऐं तुऔं हौंसला दैणौ कारिए लैख राए। जिथुकै मोऐं तुऔं बैजाए विस्तार शै लैख राए।

Sirmouri

²² हे भाऐ-बईणों हाँव तुँओं खे ढाल-अरज करू, के शिक्क्षा देणों वाल़े मेरे ऐजे बचन गेशी अमल करह्, मुँऐं तुँओं खे ऐजी लिखी अंदी पत्री बैजाऐ कंम लिखी थऐ।

इब्रानियों 13:22 ပူးပေါင်းရင်းမြစ်များ

प्रेरितो कै काम 13:15

मूसा कै कानून औरौ पौरमेशवर कै बातौ बौताणौवाल़ै कै किताबो शै पोढ़णो कै बाद यहूदी सभा-घोरो कै ठोगड़े तिनकै धोरे ब्यौरा भैजा, “ओए रै भाईयों, जै लोगौ कै उपदैश कारिए तोंवारै मनो दै कुणजै बात औसौ तौ बौल़ौ।”

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

गलातियौं 6:11

मोऐं तुऔं आपी आपणै हाथौ लैई बौड़ै आक्षरौ दो लैखै राए।

इफिसियों 3:3

यानी जैशै मोऐं थोड़ै शब्दो दै तुऔं आगै लैखै राए, पौरमेशवरे खुद मुखै तियौं छिपैयौंदे योजना कै दिखाए राए।

इब्रानियों 12:5

औरौ तुऐं तिनु हौंसला वाल़ै वचनो कै बिसरै गौवै जू पौरमेशवरे आपणै नानड़िया कै रुप दै तुऔं बौल़ै राए थिए, “ओए रै मैरै बैटै, जोबै प्रभु तुऔं खै ऐजा ऐहसास दियांव कै तुऐं गौलत कौरे राए तौ तैसी पांदी ध्यान दैव औरौ जोबै सै तुऔं डांटौ तौ हिम्मत नै हारैया।

इब्रानियों 13:19

प्रार्थना कौरणौ कारिए हांव तुऔं हौजौ बै हौंसला दियु, ताकि हांव तावल़ा तोंवारै धोरे औटेयौ आए सौकु।

इब्रानियों 2:1

इथकारिए आमु आपणै दवारा शोणेयौंदी सौचाई खै बैजाए ध्यान शै पालन कौरणा चैंई, ऐशै नै हौंव कै बैहकेयौ तिनुदै दूर हौटै जोऊं।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।