इब्रानियों 13:2 - सिरमौरी नौवाँ नियम

² अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।

Sirmouri

² पाऊणे-पौणाँई का आदर-सत्तंकार ने बिसरे, किन्देंखे के ऐष्णों कर्दे कंई लोगे ऐ स्वर्गदूत्तों का पाऊँणें का जिया आदर-सत्तकार करी थुवा।

इब्रानियों 13:2 ပူးပေါင်းရင်းမြစ်များ

मत्ती 25:35

जोबै हांव भूखा थिया, तौ तुऐं मुखै खाणौ दियु, जोबै हांव तीशा थिया, तौ तुऐं मुखै पाणी पियोऊ, जोबै हांव प्रदेशी थिया, तौ तुऐं मुखै आपणै घोरे बोइदा।

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 25:43

हांव प्रदेशी थिया, औरौ तुऐं मुखै आपणै घोरो दा ना राखी, हांव नांगा थिया, औरौ तुऐं मुखै लुस्कै नै बोम्बेई, हांव बीमार औरौ ज़ेलो दा थिया, औरौ तुऐं मैरा ध्यान नै राखी।’

प्रेरितो कै काम 16:15

औरौ जोबै तियैं आपणै कुड़बे समैंत बपतिस्मा लौआ, तौ तियैं बिन्ती कौरे, “जै तुऐं मुखै सौथीखै प्रभु कै बिश‍वाशनी सौमझौ, तौ चालैयौ मैरै घोरे रौव, औरौ सै आमु कै मौनायो कै लोय गौए।”

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

तीतुस 1:8

पौरौ पौऊंणै का आदर कौरणौवाल़ा, भोलाए का चाणो वाल़ा, सौब्री, धरमी, पवित्र औरौ भावनाओं पांदी काबू राखणौ वाल़ा; हौणा चैंई।

1 पतरस 4:9

लोगौ कै आपणै घोरे इज्जत कौरौ औरौ ऐशै बिना शिकायत कै कौरौ।

3 यूहन्ना 1:5

ओए रै प्यारे गयुस, तुऐं बौड़ै ईमानदारी शै अमारै साथी बिशवाशी मसीह भाईटु कै मौदद कारिए बौहुत किछै कौरे राए जू सुसमाचार का प्रचार कौरणौ कारिए चोऊ ढौबौ यात्रा कौरौ। इथै तौड़ी कै तू तिनु लोगौ कै बै मौदद कौरे जिनु तू ना जाणै।