इब्रानियों 13:18 - सिरमौरी नौवाँ नियम

¹⁸ अमारै खातिर प्रार्थना कौरदै रौव, जिथुकै आमै निशोंक हौयौ जाणुए, कै अमारा विवेक शुध्द औसौ, औरौ आमै जू बै काम कौरो तिनु सौबी कामौ दा पौरमेशवर का आदर कौरणा चांव।

Sirmouri

¹⁸ आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।

इब्रानियों 13:18 ပူးပေါင်းရင်းမြစ်များ

प्रेरितो कै काम 23:1

पौलुसे महासभा कै ढौबौ टकटकी लायौ खै दैखौ, औरौ बौल़ौ, “ओए रै भाईयों, मोऐं ऐलो तौड़ी पौरमेशवर कारिए बिल्कुल साची विवेक शै जिन्दगी बिताए राए।”

प्रेरितो कै काम 24:16

इथकारिए हांव आपी बै कौचिश कौरु, कै पौरमेशवर की औरौ आदमी कै ढौबौशा मैरा विवेक सौदा निर्दोष रौंव।

रोमियों 12:17

बुराई कै बौदलै कोसीआरी बुराई नी कौरेया, जू बातौ सौबी लोगौ कै नज़दीक भली औसौ, तिनकै फिकर कौरेया कौरौ।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

रोमियों 15:30

ओए रै बिशवाशी भाईयों; प्रभु यीशु मसीह दै अमारै बिशवाश कै बौजैह शै औरौ पवित्र आत्माए जू आमु प्यार दैय राए, तिथकै बौजैह शै, हांव तुंआदै बिन्ती कौरु, कै तुऐं मैरै खातिर पौरमेशवर शै बैजाए ही ईमानदारी शै प्रार्थना कौरौ।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

कुलुस्सियों 4:3

औरौ इथकै साथ ही साथ आमु कारिए बै प्रार्थना कौरदै रौव कै पौरमेशवर आमु कै वचन शुणणौ कारिए बाट खोले दैंव कै आमु मसीह कै तैसी भैद का बखान कौरे सौकु। हांव ऐबै कोयदखाने दा औसौ जिथुकै मोऐं ऐसी सौंदेश का प्रचार कौरे राए।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 थिस्सलुनीकियों 5:25

ओए रै बिशवाशी भाईयों, आमु कारिए प्रार्थना कौरौ।

2 थिस्सलुनीकियों 3:1

ओए रै बिशवाशी भाईयों, आखिर दै, आमु कारिए प्रार्थना कौरौ, ताकि आमै तावल़ै सौबै जौगैह दै प्रभु यीशु मसीह कै बारै मुंजी सौंदेश कै पोऊंचाए सौकु औरौ लोग इथपांदी तैशैखैई बिशवाश कौरौ जैशै तुऐं कौरे राए थिया।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।