इब्रानियों 13:17 - सिरमौरी नौवाँ नियम

¹⁷ आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

Sirmouri

¹⁷ आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।

इब्रानियों 13:17 ပူးပေါင်းရင်းမြစ်များ

लूका 16:2

इथकारिए सैठ आदमीए तैसी बौएदैयौ बौल़ौ, ऐजौ का औसौ जू मोऐं तैरै बारै मुंजी शौणै लो? तुऐं मैरै पौयसै शै का कौरौ तिथका हिसाब मुखै दै, आपणै भण्‍डारीपन का लैखा दै, जिथुकै तू औगौड़ियौ मैरा भण्‍डारी ना रौए सौकदा।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

रोमियों 14:12

तौ तोबै, आमु मुंजीदै सौबी कै आपणै-आपणै कामौ का लैखा पौरमेशवर कै दैणा पौड़दा।

1 कुरिन्थियों 16:16

इथकारिए हांव तुऔं कैईंदी बिन्ती कौरु कै ऐशणै अगुवे कै आज्ञा का पालन कौरौ यानी सौबी कै जू कड़ी मैहनत कौरौ औरौ जू ऐशणी साची भोक्‍ती कै साथै सेवा कौरौ।

इफिसियों 5:21

औरौ मसीह कै प्रति खुशी शै औरौ भोक्‍ती राखणौ कै बौजैह शै, तुऐं ऐकी दूजै कै अधीन रौव।

फिलिप्पियों 1:4

औरौ हांव खुशी कै साथै आपणी हरेक प्रार्थना दै तुऔं सौबी कारिए सौदा पौरमेशवर कैईंदै मौदद कै बिन्ती कौरु।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

फिलिप्पियों 2:16

औरौ मुखै मसीह कै औटेयौ पाछु आणौ कै दूस दै हांव इयौं बात पांदी घमण्‍ड कौरे सौकु कै मैरै मैहनत औरौ मैरै कौचिश बैकार ना हौंव।

फिलिप्पियों 2:29

इथकारिए तुऐं प्रभु मुंजी तैसीआरी बौहितै खुशी कै साथै भैटियो, तुऔं तैसका औरौ तैसकै जैशणै लोगौ का आदर कौरदै रौणौ चैंई।

फिलिप्पियों 3:18

जिथुकै ऐशणै बौहितै लोग औसौ जिनकै बारै मुंजी मोऐं तुऔं कै बार बार बौल़ै राए औरौ ऐबै बै रुए-रूएयो बुलू कै जू ऐशैकै बर्ताव कौरौ औरौ दिखांव कै जैसी बौजैह शै मसीह क्रूस पांदी मौरा, सै तैसकै खिलाफ औसौ।

फिलिप्पियों 4:1

इथकारिए ओए रै मैरै प्यारे भाईटु, हांव तुऔंआरी बैजाए प्यार कौरु औरौ मोऐं तुऔंआरी भैटिणौ का इंतजार कौरे लौआ। मैरै प्यारे साथियो तुऐं लोग मैरी खुशी औरौ मुकुट औसौ, प्रभु मुंजी आपणै बिशवाश पांदी मोजबूत बौणैयौंदे रौव।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

1 तीमुथियुस 5:17

कुणिए बै अगुवे जू आपणै काम कै आछै शै कौरौ, तैसी सोही आदर औरौ सोही मजदूरी दैणौ कै लायक सौमझा जाणा चैंई, खास तौर शै सैजै लोग जू पौरमेशवर कै सौंदेश कै शिखाणौ औरौ प्रचार कौरणौ कारिए कड़ी मैहनत कौरौ।

इब्रानियों 13:24

आपणै सौबी अगुवो औरौ सौबै पवित्र लोगौ खै नमशकार बौल़ौ, इटली देश कै बिशवाशी तुऔं कै नमशकार बौल़ौ।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

याकूब 4:7

इथकारिए पौरमेशवर कै अधीन हौए जाव औरौ शैतान का सामणा कौरौ, तौ सै तोंवारै धोरे दा भागै जांदा।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”