इब्रानियों 13:15 - सिरमौरी नौवाँ नियम

¹⁵ इथकारिए आओ आमै आपणै ओठो लैई पौरमेशवर कै स्तुति कौरदै रौंव। ऐजौ तैसखै खातिर अमारा बलिदान औसौ, यानी तिनु ओठो का फोल़ जू तैसकै नांव कै मानौ औरौ पौरमेशवर कै खातिर हमैशा चौढ़ाया कौरौ।

Sirmouri

¹⁵ तअ: आओ आँमें प्रभू यीशू के कारण पंण्मिश्वर खे सतुत्ति रूपी बल़ीदाँण मतल्व तिनके नाँव की बड़ियाऐं करणों वाल़े ओठों का फल़ हमेशा चड़ाँदे रंह्।

इब्रानियों 13:15 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

लूका 10:21

तैसी सौमय यीशु पवित्र आत्मा दा हौयौ खुशी शै भोरै गौआ, औरौ बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी, हौर बै, ओए रै पिता पौरमेशवर जिथुखै ताखै ऐजौ आछौ लागौ।

यूहन्ना 10:9

हांव ही दवार औसौ; जै कुणिए मैरै दवारा भीतरै आला, पौरमेशवर तैसका ही उध्दार कौरला औरौ भीतरै आया जाया कौरला औरौ खाणौ कारिए घास दैला।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

रोमियों 12:1

इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

रोमियों 6:19

मोऐं गुलामी का ऐजा उदारण तुऔं खै इथकारिए दिया ताकि तुऐं इनु कामकै सौमझै सौकौ कै मोऐं का शिखाए लो। जैशै तुऐं आपणै शोरीरो कै अंगो कै अशुध्दता औरौ कुकर्म कै दास कौरेयौ सौंपै राए थिए, तैशैखैई ऐबै आपणै अंगो खै पवित्रता कारिए धार्मिक जीवन जिणौ कारिए सौंपै दैव।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

इब्रानियों 12:28

इयौं बौजैह शै आमु जू राज भैटौ, तिथु हिंजाल़ी ना सौकौ, आव आमै धन्यवादी बौणु, जिथलैई आमै भोक्‍ती, औरौ डौर कै साथै, पौरमेशवर कै ऐशणै आराधना कौरे सौकौ जिथलैई सै खुश हौंव।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।