इब्रानियों 13:14 - सिरमौरी नौवाँ नियम

¹⁴ जिथुखै ऐजी दुनिया अमारा सौदा का घोर ना आथी यानी कै आमै आणौवाल़ै नगर कै खोज़ दै औसौ।

Sirmouri

¹⁴ किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

इब्रानियों 13:14 ပူးပေါင်းရင်းမြစ်များ

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 12:22

पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

इब्रानियों 12:27

औरौ ऐजै आवाज़ एकबेई औटेयौ इयौं बातौ खै दिखांव, कै सौबै बाणैयौंदी चीज़ौ हिंजाल़ी जांदी, औरौ हौटाए जांदी; ताकि जू चीज़ौ हिलाए ना जांव, सैजी हमैशा बौणेयौंदी रौंदी।

इब्रानियों 2:5

पौरमेशवरे तियौं आणौवाल़ै दुनिया खै, जिथकै बारै मुंजी आमुए बौल़ै लो, स्‍वर्गदूतौ कै अधीन नी, पौरौ प्रभु यीशु कै अधीन कौरे राए।

इब्रानियों 4:9

इथकारिए पौरमेशवर कै लोगौ कारिए ऐबै बै ऐक ठाँव तैयार औसौ, जिथै सै पूरी तरह शै विशांव कौरे सौकौ। सै तैशैखैई विशांव कौरौ जैशै पौरमेशवरे सातवें दूसै विशांव कौरा।

इब्रानियों 9:11

पौरौ ऐबै मसीह महायहूदी पुरोहित बौणै गौआ, जू नौवें कौरार कै सौबै आछै अनुभव दैंव, जू आमुकैंई आगै शै औसौ। यीशु मसीह स्वर्ग दा हौजौ बै महान, औरौ बैजाए सिद्ध मिलाप कै तोम्बू दा हौटा, जू आदमियों कै हाथौ लैई ना बाणै रैई थी औरौ ऐसी दुनिया की बाणैयौंदी चीज़ौ का हिस्सा नै आथी।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

प्रकाशितवाक्य 3:12

सैजै जू जीत पालै सै पौरमेशवर कै मन्दिर दै खोम्बे कै जैशणै हौंदै, जैसकै हांव सेवा कौरु औरौ तिनु तैसी कौलोंई छोड़णा ना पौड़दा। हांव तैसकै शोरीर पांदी मैरै पौरमेशवर कै शहर कौ नांव लिखदा, ऐजौ सैजौई औसौ जैसी नौवाँ यरूशलेम शहर बौला जांव। ऐजा सैजाई औसौ जू स्वर्ग शै, यानी मैरै पौरमेशवर कै ढौबौशा धैनै आन्दा। हांव तैसकै शोरीर पांदी मैरा नौवाँ नांव बै लिखदा।