इब्रानियों 13:13 - सिरमौरी नौवाँ नियम

¹³ इथकारिए आव आमै बलिदान कै नियम कै छोड़ेयौ यीशु पांदी बिशवाश कौरु औरौ डैरै कै बायरै जोऊं, जिथै लोग ना रौंव जैशै तैणै नेंदैया सैहन कौरे, तैशै ही आमु बै नेंदैया सैहन कौरु।

Sirmouri

¹³ ईन्देंखे आँमें भे तिनकी बैस्ती का भार झेल्बै अरह् थागुबै, जाँगी शे बाईडे दाँई तिन कैई चालो,

इब्रानियों 13:13 ပူးပေါင်းရင်းမြစ်များ

मत्ती 16:24

तोबै यीशुए आपणै चैलै कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ आपणा क्रूस टिपयौ मैरै पौछौड़ियौ हांडणौ पोड़लो (आपणै क्रूस उठाणौ का मतलब औसौ, दुख औरौ नेंदैया सोणै पोड़दै औरौ आपणै प्राण तक बै दैणै पोड़लै)।

मत्ती 27:32

बायरै जांदी बैई तिनु सिकन्‍दर औरौ रूफुस का पिता शमौन, ऐक कुरेनी शहर का आदमी भैटा, तिनुऐ तैसीखै खामखैई खै थाम्बा कै तैसकौ क्रूस टिपयौ आगु नीयों।

मत्ती 5:11

“धन्‍य औसौ तुऐं, जोबै लोग तुऔं मैरै चैलै हौणौ की बौजैह शै तोंवारै नेंदैया कौरौ, औरौ सतालै औरौ झूठु बौल बौलेयौ तोंवारै खिलाफ सौबी भान्त की झूठी बातौ बौल़ौ।

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

लूका 9:23

तैणै सौबी कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ रौज आपणा क्रूस टिपेबा मैरै पौछौड़ियौ चालणौ पोड़लो (आपणै क्रूस उठाणौ का मतलब औसौ दुख औरौ नेंदैया सोणै पोड़दै औरौ इथै तौड़ी कै आपणै प्राण बै दैणै पोड़लै)।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

इब्रानियों 11:26

मूसा जाणौ थिया कै मिस्र देश कै भौण्ड़ार कै तुलना दै मसीह कारिए दुख सैहणा जादा कीमती औसौ, जिथुकै ऐशै कौरणौ शै पौरमेशवर तैसी स्वर्ग दा इनाम दैंदा।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 12:3

यीशु कै उदारण कै बारै मुंजी, कै तैणै तिनु पापी कारिए कैतरा दुख सोऊवा जू तैसीआरी ऐतरै नफरत कौरौ थिए, तैणै इथकारिए दुख सोऊवा, ताकि तुऐं निराश हौयौ हिम्मत नै छोड़े दैंव।

इब्रानियों 12:4

इबी तौड़ी बुराई कै ताकतो कै खिलाफ तोंवारा संघर्ष इशैक हद तौड़ी ना सैहणौ पौड़ी जिथै लोग तुऔं मारै दैंव।

1 पतरस 4:4

इथलैई तोंवारै पुराणै दोस्त हैरान हौए जांव जोबै तुऐं तिनकै साथै तिनु बुरी चीज़ौ दै शामिल ना हौंव जू सै कौरौए। इथकारिए सै तोंवारै बैज्जती कौरौ।