इब्रानियों 12:28 - सिरमौरी नौवाँ नियम

²⁸ इयौं बौजैह शै आमु जू राज भैटौ, तिथु हिंजाल़ी ना सौकौ, आव आमै धन्यवादी बौणु, जिथलैई आमै भोक्‍ती, औरौ डौर कै साथै, पौरमेशवर कै ऐशणै आराधना कौरे सौकौ जिथलैई सै खुश हौंव।

Sirmouri

²⁸ ईन्देंखे आँमों ऐसी राज्य भेंटियों जू झ़िक्णों को ने आथी, तअ: आओ आँमें धन्यबाद करह्, अरह् भगत्ति अरह् डर आरी पंण्मिश्वर की ऐशी अरार्धना करह्, जिन्दे लई से खुशी हों,

इब्रानियों 12:28 ပူးပေါင်းရင်းမြစ်များ

इब्रानियों 13:15

इथकारिए आओ आमै आपणै ओठो लैई पौरमेशवर कै स्तुति कौरदै रौंव। ऐजौ तैसखै खातिर अमारा बलिदान औसौ, यानी तिनु ओठो का फोल़ जू तैसकै नांव कै मानौ औरौ पौरमेशवर कै खातिर हमैशा चौढ़ाया कौरौ।

इब्रानियों 4:16

इथकारिए आओ, आमु हिम्मत कै साथै पौरमेशवर कै धोरे ओऊं, जू अनुग्रह लैई भौरेयौंदा औसौ तोबै पौरमेशवर आमु दया औरौ अनुग्रह दिखांदा औरौ जोबै आमु जौरुरत हौलै तोबै सै अमारै मौदद कौरदा।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

रोमियों 11:20

ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

प्रकाशितवाक्य 15:4

“ओए रै प्रभु, सौबी लोगौ कै दवारा तैरा आदर कौरा जांव, औरौ सै सौबै जोणे तैरै नांव कै इज्जत कौरौ, जिथुकै सिरफ तू ही पवित्र पौरमेशवर औसौ। हरेक राज्य कै सौबै लोग तैरै धोरे आंव, औरौ सै तैरी आराधना कौरौ, जिथुकै तैरै धरम कै काम सौबै जोणे आछी तरह शै जाणौ।”

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।

प्रकाशितवाक्य 5:10

“औरौ तिनुखै अमारै पौरमेशवर कारिए तुऐं तिनु ऐशणै लोग बाणै दियै जिनुपांदी अमारा पौरमेशवर राज्य कौरौ, औरौ ऐशणै पुरोहित बाणै राए जू तैसकै सेवा कौरौ, औरौ सै धोरती पांदी राज्य कौरदै।”

इब्रानियों 10:19

इथकारिए, बिशवाशी भाईयों, यीशुए आपणा लोऊ ऐक बलिदान कै रुप दा दैय दिया। इथलैई आमै स्वर्ग कै सौबीदै पवित्र ठाँव दै बिना डौर कै जाए सौकु।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

इब्रानियों 5:7

जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

इफिसियों 5:10

ऐजौ शिखणौ कै कौचिश कौरौ, कै पौरमेशवर कै का खुश कौरौ?

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

लूका 1:33

औरौ सै याकूब कै वंश पांदी हमैशा राज कौरदा; औरौ तैसकै राज्य का अन्त ना हौंदा।”