इब्रानियों 12:22 - सिरमौरी नौवाँ नियम

²² पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

Sirmouri

²² परह् तुँऐं सिय्योन टिम्बे गाशी जीऊँदे पंण्मिश्वर के नंगरो दे, स्वर्गिऐ यरूशलेम कैई, अरह् लाखो सवर्गदूतों आरी खुशी आँनन्द मंनाँव,

इब्रानियों 12:22 ပူးပေါင်းရင်းမြစ်များ

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मत्ती 5:35

औरौ ना धोरती कै, जिथुखै सै तिथै आपणै लात राखौ; औरौ ना ही यरूशलेम शहर कै जिथुखै सै महाराजा का शहर औसौ जिथै पौरमेशवर राज्य कौरौ।

रोमियों 11:26

ऐजौ हौणौ कै बाद सौबै इस्राएल देश कै लोग उध्दार पांदै; जैशैखै पवित्र शास्त्र दो लैखै राए, “बौचाणौवाल़ा यरूशलेम शहर शै आन्दा, औरौ अभक्‍ति कै याकूब शै दूर कौरदा,

रोमियों 9:26

औरौ जैसी ठाँव दा पौरमेशवरे बौल़ौ, तुऐं मैरै लोग ना आथी, तैसी ही ठाँव दा जियुंदै पौरमेशवर तिनु आपणै संतान बौलदा।”

गलातियौं 4:26

पौरौ सारा यरूशलेम शहर कै दरशांव, जू स्वर्ग दौ औसौ। सै आज़ाद बैटमाणिश औसौ औरौ तियौंकै नानड़िया बै आज़ाद औसौ। सैजै नानड़िया आमै सौबै बिशवाशी औसौ, जिनकै माँ सारा औसौ।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

इब्रानियों 10:31

जियुंदी पौरमेशवर कै हाथौ लैई सौजा पाणै बैजाए खतरनाक बात औसौ।

इब्रानियों 11:10

जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

इब्रानियों 11:16

पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

इब्रानियों 13:14

जिथुखै ऐजी दुनिया अमारा सौदा का घोर ना आथी यानी कै आमै आणौवाल़ै नगर कै खोज़ दै औसौ।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।

यहूदा 1:14

हनोकै जू आदम शै सातवें पीढ़ी दा पौयदा हौए रौआ थिया, इनु अधरमी लोगौ कै बारै मुंजी हौणौवाल़ी बातौ बौताए रैई थी। तैणै बौल़ौ, “शुणौ! पौरमेशवर निशोंक हौयौ आपणै अणगिणत पवित्र स्‍वर्गदूतौ खै साथै आन्दा।

प्रकाशितवाक्य 14:1

इथकै बाद, मोऐं किछै औकौ दैखौ, मोऐं सिय्योन धारो कै चुटी पांदी मेम्ने खै खौड़ा हौएयौंदा दैखा। तैसकै साथै ऐक लाख चौवालीस हजार लोग थिए, तिनकै माथै पांदी मेम्ने कौ नांव औरौ तैसकै पिता कौ नांव लैखैयौंदे थियु।

प्रकाशितवाक्य 21:10

औरौ पौरमेशवर कै आत्माए मुं पांदी काबू कौरा, औरौ स्‍वर्गदूत मुखै ऐक बैजाए ऊंचे धारौ पांदी लौए गौआ, औरौ मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।

प्रकाशितवाक्य 22:19

औरौ जै कुणिए ऐशणा आदमी हौला जू इयौं किताबो दी भविष्यवाणी कौरेयौंदी बातौ मुंजी दी किछै बै हौटाला, तौ पौरमेशवर तैसीयादी सैजी आशीषौ उंढी कौरदा जिथकै बारै मुंजी इयौं किताबो दौ बौताए राए। पौरमेशवर जीवन कै डाल़ो कै फल़ खाणौ औरौ पवित्र शहर दै हौणौ का तैरा औधिकार बै उंढा कौरदा।

प्रकाशितवाक्य 3:12

सैजै जू जीत पालै सै पौरमेशवर कै मन्दिर दै खोम्बे कै जैशणै हौंदै, जैसकै हांव सेवा कौरु औरौ तिनु तैसी कौलोंई छोड़णा ना पौड़दा। हांव तैसकै शोरीर पांदी मैरै पौरमेशवर कै शहर कौ नांव लिखदा, ऐजौ सैजौई औसौ जैसी नौवाँ यरूशलेम शहर बौला जांव। ऐजा सैजाई औसौ जू स्वर्ग शै, यानी मैरै पौरमेशवर कै ढौबौशा धैनै आन्दा। हांव तैसकै शोरीर पांदी मैरा नौवाँ नांव बै लिखदा।