इब्रानियों 12:16 - सिरमौरी नौवाँ नियम

¹⁶ ऐशै ना हौंव, कै कुणिए आदमी गौलत काम कौरणौवाल़ै या तुऔं मुंजीदै अब्राहम कै पौतै एसाव साए अधरमी नै हौंव, जिथुकै सै पहलौठा बैटा थिया, इथकारिए तैसीकैईं खास पद हौणौ का औधिकार थिया। पौरौ तैणै तैसी औधिकार का आदर ना कौरी औरौ इथकारिए तैणै आपणै नानड़ै भाई याकूब खै इथु ऐक बैई कै खाणौ कारिए बैकै दियु।

Sirmouri

¹⁶ तुओं लोगों मुँझ़्शा कुँऐ भे आदमी चुर-जार ने हों, अरह् ना कुँऐ तेसी एसाब जेष्णाँ जुण्जा प्रभू दा भे डरो ने थिया; जेने ऐकी बंई के भोजन की ताँईऐं आप्णाँ जेठै हंणों का हंक जैठोंग बीकी दितो।

इब्रानियों 12:16 ပူးပေါင်းရင်းမြစ်များ

मरकुस 7:21

जिथु आदमी कै दिमाको शै बुरै-बुरै विचार, गौलत तरीकै शै सौमबंध बौणाणा, चोरी कौरणा, हत्या कौरणा,

प्रेरितो कै काम 15:20

पौरौ आमुए तिनु ऐक चिट्ठी लिखयो भैजै दै, ऐजौ बौताणौ कारिए कै सै सैजौ खाणौ नै खांव जू लोगै मूर्ति कै आगै चौढ़ाए राए औरौ गौलत सौमबंध औरौ गल़ा घोटेयौंदे गोरु को मांस नै खाया औरौ गोरु को लोऊ नै खाया।

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

1 कुरिन्थियों 10:8

इथकारिए आमु कै कोसी भान्त कै गौलत काम कौलोंई ना कोरणै चैंई जैशै तिनुमुंजी दै कैतरै आदमीए कौरो औरौ ऐकी दूसौ दै तैईस हजार मौरे गौवै।

2 कुरिन्थियों 12:21

औरौ कोदी ऐशैखै ना हौं कै जोबै हांव पाछु आन्दा, तौ मैरा पौरमेशवर मुखै शर्मिंदा कौरौ। औरौ मुखै बौहितौ कारिए हौजौ शोक कौरणा पौड़ौ, जिनुवै आगै पाप कौरे राए थिए, औरौ तिनु गौन्‍दै काम औरौ गौलत सौमबंध औरौ शर्मनाक जैशणै कामौ कारिए पश्‍चाताप ना कौरी।

इफिसियों 5:3

जैशै पवित्र लोगौ कै लायक औसौ, तैशैखै तुऔं दै व्‍यभिचार, औरौ कोसी भान्त कै अशुध्द काम या लालच कै चौर्चा बै ना हौंव।

इफिसियों 5:5

जिथुकै तुऐं ऐजौ आछै शै जाणौ कै कुणजाई गौलत सौमबंध बाणणौवाल़ा, या अशुध्द आदमी, औरौ लालची आदमी ऐक मूर्तिपूजक कै जैशणा औसौ, जू लोग इयौं दुनिया कै चीज़ौ कै आराधना कौरौ। ऐशणै काम कौरणौवाल़ै लोग कौलोंई बै मसीह औरौ पौरमेशवर कै राज्य कै औधिकारी ना हौंदै।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

1 तीमुथियुस 1:9

आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।