इब्रानियों 12:15 - सिरमौरी नौवाँ नियम

¹⁵ औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

Sirmouri

¹⁵ ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

इब्रानियों 12:15 ပူးပေါင်းရင်းမြစ်များ

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

1 कुरिन्थियों 10:12

इथकारिए जै तिथै कुणिए ऐशणा आदमै औसौ जू बौल़ौए कै पौरमेशवर पांदी तैसका भोरोशा मोजबूत औसौ, तौ तैसी चौकश रौणौ चैंई कै ऐशै नी हौं कै सै धौखै शै बिशवाश शै भटकै जांव औरौ सै पाप कौरौ।

1 कुरिन्थियों 13:8

सैजा सौमय आन्दा जोबै लोग पौरमेशवर कै सौंदेश का प्रचार ना कौरदै, या कैई भाषा ना बौलदै, औरौ पौरमेशवर कै बारै मुंजी खास ज्ञान कै तोबै जौरुरत ना हौंदै, पौरौ प्यार सौदा बौणेयौंदा रौंदा।

1 कुरिन्थियों 15:33

जू लोग ऐशणी बातौ कौरौ तिनकै दवारा मूर्ख ना बौणौ बुरी संगति आछै चरित्र खै बिगाड़ै दैंव।

1 कुरिन्थियों 5:6

तोंवारा घमण्डी हौणा आछा ना आथी; का तुऐं ना जाणौ, कै दैणिक खमीर पूरै बाटैयौंदो आटै मुंजी फोयलै जांव, तैशैखैई, जै ऐकी आदमी कै पाप कौरदै रौणौ कारिए छोड़े दीं, तौ तावल़ो ही सौबी लोगौ मुंजी सैजौ पाप फोयलैयौ सौब लोग सैजौई पाप कौरदै लागदै।

2 कुरिन्थियों 13:5

आपी खै पोरखौ, कै बिशवाश दै औसौए कै ना; आपी खै पोरखौ, ऐजौ दैखणौ कारिए कै तोंवारा बिशवाश साचा औसौए कै ना, का तुऐं आपणै बारै मुंजी ऐजौ ना जाणौ, कै यीशु मसीह तुऔं दा औसौए? नही तौ तुऐं बैकार निकल़ै रौवै।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

गलातियौं 2:13

औरौ तैसकै साथै अन्‍ताकिया शहर दै किछै बिश‍वाशीयै बै ढोंग कौरा, इथै तौड़ी कै बरनबास बै तिनुदा डौरौ थिया औरौ बैगानै यहूदी लोगौ कै साथै भैटिणौ बंद कौरे दियु।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

इफिसियों 5:3

जैशै पवित्र लोगौ कै लायक औसौ, तैशैखै तुऔं दै व्‍यभिचार, औरौ कोसी भान्त कै अशुध्द काम या लालच कै चौर्चा बै ना हौंव।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

तीतुस 1:15

तिनु लोगौ कारिए जिनकै दिल दै ऐशणै पाप वाल़ै विचार ना आथी, तिनु कारिए सौबै चीज़ौ शुध्द औसौ, औरौ जू बुरै लोग औसौ औरौ जू लोग यीशु पांदी बिशवाश ना कौरौ, तिनु कारिए सौबै चीज़ौ अशुध्द औसौ जिथुकै तिनकै दिल पूरी तरह शै बुरै हौए गौवै।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 3:11

ऐजौ तय औसौ कै पौरमेशवर सौबी चीज़ौ कै ऐशैकै नाश कौरे दैन्दा, तौ तुऐं पाकौ जाणौए कै तुऔं कैशैकै बर्ताव कौरणा चैंई। तोंवारा बर्ताव साचा हौणा चैंई औरौ जू किछै बै तुऐं कौरौए तिथलैई पौरमेशवर कै खुश कौरौ।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

2 यूहन्ना 1:8

इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा।