इब्रानियों 11:6 - सिरमौरी नौवाँ नियम

⁶ औरौ सिरफ पौरमेशवर पांदी बिशवाश कौरेयौ ही आमै तैसी खुश कौरे सौकु जिथुकै पौरमेशवर कै धोरे आणौवाल़ै खै बिशवाश कौरणा चैंई, कै सै औसौए औरौ सै तिनु लोगौ खै इनाम दैंदा जू सौचाई लैई तैसीकै जूऔंए।

Sirmouri

⁶ अरह् बिश्वाष के बिना पंण्मिश्वर खुष करणा कठींण असो, तअ: जुण्जा कुँऐ पंण्मिश्वर के नंजीक ज़ाँणों चहाँव, तेस्खे बिश्वाष करणाँ जरूरी ही असो; के “पंण्मिश्वर असो ऐ”! अरह् से तिनू लोगों खे प्रत्तिफ़ल़ दियों; जुण्जे तिनके खोंज़ दे लागें अंदे रंह्।

इब्रानियों 11:6 ပူးပေါင်းရင်းမြစ်များ

मत्ती 11:26

हौर बै, ओए रै पिता पौरमेशवर जिथुखै ताखै ऐजौ आछौ लागौ।”

मत्ती 5:12

तौलौ तुऐं खुश औरौ मगन हौया जिथुखै तुऔं कारिए स्वर्ग दा बौड़ा इनाम राख राए। इथकारिए कै तिनुऐ तिनु पौरमेशवर कै बातौ बौताणौवाल़ै कै बै जू बौहितै सौमय दै आगै आए रौवै थिए ऐशैखैई सताए राए थिए।”

मत्ती 6:16

जौल़ौ तुऐं उपवास कौरौ, तौ कपटी कै जैशणै तोंवारै मुं पांदी उदासी नै हौणै चैंई, जिथुखै सैजै लोगौ शै तारीफ पाणौ कारिए उदास बौणैयौंदे रौंव, ताकि लोग तिनुखै उपवासी जाणौ हांव तुऔं खै साचौ बुलू, तिनुऐ आपणा इनाम पाए पोवा।

मत्ती 6:33

इथकारिए सौब दौ जादा जौरुरी ऐजौ औसौ कै तुऐं पौरमेशवर कै राज्य औरौ धार्मिकता शै जीवन जिणौ कै कौचिश कौरौ, तौ ऐजी सौबै चीज़ौ तुऔं खै भैट जांदी।

मत्ती 6:5

“जौल़ौ तू प्रार्थना कौरला, तौ कपटी कै जैशणै नै बोणिया जिथुकै लोग तिनु दैखैयो तिनकै तारीफ कौरौ, जिथुखै तिनु यहूदी सभा-घोरो औरौ शोड़कै कै मोड़ो दै खौड़ै हौयौ प्रार्थना कौरणै आछै लागौ। हांव तुऔं खै साचौ बुलू कै तिनुऐ आपणा इनाम पाए पोवा।

मरकुस 16:17

औरौ बिशवाशियौं खै चौमत्कार कौरणौ कै शौकतै दै जांदी औरौ तिनुमुंजी ऐजै निशान हौंदै कै, सै मैरै नांव शै दुष्टआत्मा खै बाईंडी गाड़लै; औरौ हांव तिनु नुई-नुई भाषा बौलणौ कै लायक बौणाऊंबा।

लूका 12:31

पौरौ तुऐं पौरमेशवर कै राज्य कै खोज़ दै रौव, तौ ऐजी सौबै चीज़ौ बै तुऔं भैटी जांदी।”

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 8:24

इथकारिए मोऐं तुऔं खै बौल़ौ, कै तुऐं लगातार पाप कौरदै बैई मौरे जांदै, जै तुऐं मुं पांदी बिशवाश नै कौरलै कै हांव सैजाई औसौ, तौ तुऐं लगातार पाप कौरदै बैई मौरे जांदै।”

रोमियों 10:14

पौरौ बिशवाश कौरणौ शै लोग पौरमेशवर शै मौदद मांगै सौकौ, औरौ प्रभु पांदी बिशवाश कौरणौ कारिए लोगौ खै तैसका वचन शुणणा चैंई, औरौ जिनु लोगै प्रभु कै बारै मुंजी ना शौणै रैई, तौ बिशवाशी लोगौ कै चैंई कै सै यीशु मसीह कै बारै मुंजी तिनुकै बौतांव।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इब्रानियों 11:26

मूसा जाणौ थिया कै मिस्र देश कै भौण्ड़ार कै तुलना दै मसीह कारिए दुख सैहणा जादा कीमती औसौ, जिथुकै ऐशै कौरणौ शै पौरमेशवर तैसी स्वर्ग दा इनाम दैंदा।

इब्रानियों 3:12

ओए रै बिशवाशी भाईयों चौकश रौंव, कै तुऔं मुंजीदा ऐशणा बुरा औरौ अबिशवाशी मन नी हौंव, जू जीवन दैणौवाल़ै पौरमेशवर का पीछा कौरणौ शै मौना कौरे दैंव।

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।

इब्रानियों 4:6

पौरौ लोगौ खै तैसी विशांव ठाँव दै जाणौ का मौका ऐबै बै औसौए। इस्राएल देश कै सैजै लोग जिनुमुंजी आगलै बैई सुसमाचार कै घोषणा कौरे राए थै, सै प्रवेश कौरणौ दै नाकामयाब हुवे जिथुकै तिनुऐ पौरमेशवर कै आज्ञा ना मानी।

इब्रानियों 7:19

इथकारिए मूसा कै कानून कोसी बात खै सिध्द ना कौरी, औरौ तिनु कानून कै ठाँव पांदी आमु ऐक ऐशणै आछी आशा औसौ, जू यीशु मसीह दी औसौ, जिथकै दवारा आमु पौरमेशवर कै नेड़िक जाए सौकु।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

2 पतरस 1:5

जिथुकै तुऐं पौरमेशवर कै स्‍वभाव दै शामिल औसौ औरौ तुऔं सिरफ मसीह पांदी बिशवाश ही नी कौरणा चैंई, पौरौ तुऔं हमैशा सैजौई कौरणौ कै कौचिश कौरणै चैंई जू ओकी कारिए आछौ औसौ। बल्कि तुऔं ना सिरफ सैजौई कौरणौ चैंई जू आछौ औसौ पौरौ तुऔं ऐशणै लोग हौणौ चैंई जू जाणौए कै कैशै सौमझदारी शै बर्ताव कौरणा चैंई।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”